[校園][純愛]《身旁的那一個》: 第八十二章
我心諗做乜鳩呢
阻住我食雞翼
原本我諗住派嵐嵐出去，
講幾句應付條友
點知佢唔喺度喎
又難得籃球佬特登過嚟搵我，
我同佢平時極少接觸，
基本上都冇乜交流，
搵得我應該有事掛
算啦我都係出去操場啦
睇佢講咩，
我:「做咩事呀Oliver
好日都唔搵我
」我嗰陣以為佢輸咗唔忿氣，
諗住搵我報仇
不過算啦費事特登講
喺人傷口上面灑鹽好似唔係咁好
雖然我唔玩運動亦都唔打比賽啫，
不過都明白付出咗努力但係結果唔如意嗰種經歷
既然係咁我都無謂落井下石
Oliver:「同你講啲嘢呀東仔
sorry呀好似有啲唐突，
不過都last day時日無多
所以就搵你囉
」我:「做咩呀
」Oliver:「你都知我對嵐嵐係咩意思㗎啦
.我:「係咩
」佢笑一笑跟住講，
Oliver:「唔好扮嘢啦
」我:「你係咪食檸檬跟住搵我算帳呀
講明先呀唔關我事㗎，
我冇同過佢一齊呀
」Oliver:「唔好咁敏感
我知
」我:「咁搵我做咩呢
」Oliver:「你知唔知，
我好羨慕你
自從我鍾意咗嵐嵐之後.」
籃球佬真係籃球佬
佢一路講一路喺度射波
因為我哋當時喺操場丫嘛
佢條撚樣唔知係咪睇漫畫睇電影睇上腦
一路同緊我傾計，
一路喺度射三分
跟住又要執波，
我都唔明點解唔企定定講
我:「點解咁講呢
」Oliver:「因為嵐嵐
」我:「又關佢事
」Oliver:「你都知啦，
我同佢禮拜六會返嚟補課，
其實最近一年我同佢接觸已經多咗好多
我有試過同佢表白，
好認真看待我同佢嘅關係，
唔想畀佢覺得我係玩玩下
不過都改變唔到佢
」我:「咁溝女呢啲嘢冇辦法㗎
鍾意邊有分對錯
搵我算帳都冇用㗎喎
」Oliver:「我知呀所以我冇怪你
」我:「嚇得我，
以為你溝唔到女將個責任推落我度
」Oliver:「點會呀
」跟住佢又射波，
射完之後又要執
我呢一刻最想問佢，
可唔可以乖乖地企定定呢
我返去仲有一盤雞翼等緊我.
Oliver:「你記唔記得有次我咪約你哋食飯嘅
」我:「我記得呀
都好撚耐喎，
我同嵐嵐做司儀嗰次丫嘛
」Oliver:「係呀就係嗰次
你知唔知我問佢一唔一齊食lunch嘅時候，
佢第一句點答我
」我心諗梗係唔撚知啦
我又唔喺現場
我:「佢講咩
」Oliver:「佢第一句就話
『今日唔得呀，
今晚問下巫澤軒睇下佢o唔ok先，
佢ok就聽日.』
之後佢覆我
佢話你肯，
所以就今日一齊食啦
」我心諗，
好明顯係嵐嵐唔想同你食
求其擺我上枱啦
咁蠢嘅你咁都唔識
不過算啦我費事講啲咁殘酷嘅嘢
我:「咁呢啲都係基本尊重啫
等於你同某個嘅朋友成日一齊食飯，
你有一日想帶多一個friend過嚟食，
你都會問同你食開嗰個o唔ok啦
」Oliver:「其實我從來都冇當過你係敵人
因為我知我永遠都贏你唔到
其實我一路都好留意你哋兩個，
你明㗎啦，
鍾意一個女仔
圍繞住佢身邊嘅嘢都會特別注意
佢對你又或者喺你面前，
真係同其他人唔同
至少我覺得係咁囉.」
依家諗返起其實覺得好中二
講埋啲咁嘅嘢，
不過讀書係咁㗎啦，
有啲人個腦真係淨係得情情塔塔嘅嘢
溝緊嘅女仔仲緊要過自己老母嘅安全
我相信睇緊嘅讀者，
喺讀書時期總會都出現過一兩個所謂嘅情敵
大個咗就會諗返起，
情乜鬼嘢敵
明明自己都冇份爭
我:「唔係啩你太抬舉我啦
係咪有陰謀呀講埋啲咁嘅嘢
」Oliver:「你信唔信呀
佢真係好鍾意你
」我:「唔係啩你同我講呢啲咩嘢
喺度講自己鍾意個女仔
鍾意緊另一個男仔，
你唔係要溝佢嘅咩
」Oliver:「我自己都好難夠分原校升讀
表白過失敗過，
雖然都仲係好鍾意佢
不過唔會死纏爛打喇
因為唔希望連朋友都冇得做，
我唔知你對佢態度係點
但係我唔想見到自己鍾意個女仔，
一味付出但係冇收穫
我估佢冇同你講過啦
」我:「我哋真係冇嘢㗎
真係有嘢嘅一早一齊咗啦，
我識咗佢計埋今年第五年
我承認我同佢係好close
好好好好嘅朋友，
係咁多㗎咋
」以前嘅我從來係唔相信，
能成為密友大概總帶著愛呢句說話，
依家嘅我淨係識苦笑
冇藉口幫自己抗辯，
唯有以笑遮醜
講返嗰陣先，
Oliver:「你信唔信呀
今日都已經last day，
你陣間問下佢丫
如果我有機會同佢發展，
我梗係唔會同你咁講
不過我肯定自己冇
」我:「又唔好咁講
畀多啲時間囉
」Oliver:「東仔你咁幸福
你唔明㗎喇，
有啲嘢唔係用時間同埋努力就有結果
」跟住有條友無啦啦出嚟嚇撚死我
賓仔:「係囉，
你陣間問下佢啦
」我:「我屌你喺邊度出嚟
」Oliver:「佢喺度一陣㗎喇
」我:「咁點解你唔講呀
」賓仔:「你兩個都係我情敵
九成九都係講嵐嵐啦
咪出嚟偷聽下囉，
不過聽完你哋咁講，
我嘅對手始終都係東仔你
」我:「痴撚線
」Oliver:「嘢我就講完喇，
點做就睇你
」賓仔:「係囉都last day唔怕問啦
」唔知點解，
我覺得簡直嘥咗我半個鐘時間.