[校園][純愛]《身旁的那一個》: 第六十九章

最後我同佢做左乖學生

冇喺戲院以外嘅地方買嘢食帶入去

淨係買咗好撚大包嘅爆谷同埋汽水

我再額外買咗支水入去，

就係得咁多啫





之後就坐低，

跟住擺低啲嘢再將個手機較靜音

就開始食爆谷

我有帶薄荷糖嘅不過食完爆谷先食啦

不過我知道嵐嵐個粉皮好鍾意食爆谷





嗰陣我哋一人一包，

有啲我都畀咗佢

知道佢條友鍾意

大家都知啦，

等開場好悶㗎嘛





跟住我就拎咗粒爆谷，

隻手隊埋去佢面前

跟住佢呆咗

細細聲講做咩

我:「食唔食」

嵐嵐:「我有喎」

我:「呢粒好食啲

多焦糖」





跟住佢就真係食咗我呢粒

簡單講啦即係餵咗佢食啦，

嗰陣有咩特別感覺

其實冇喎

第一，

當時個feel真係好自然

所以先做出嚟，





同埋覺得佢食得好囉

咁耐以嚟我不嬲都好少餵人食嘢嘅

就算玩嗰陣都唔會搵呢樣嘢嚟玩，

因為我驚嗰個人個嘴

食嗰隻會唔覺意掂到我隻手

我唔係潔癖不過呢方面係有少少介意，

嵐嵐又冇喎佢食得好好

所以臨開場前都玩左陣





不過套戲開咗就冇玩

因為套嘢大家都想睇，

我約佢睇又唔係話諗住溝佢

唔會掛住望佢而唔睇戲㗎嘛

所以大家都好認真咁睇緊.


唔知大家有冇睇呢套戲啦

老老實實相隔咁耐，





好多細節依家真係已經唔記得，

淨係記得嗰套戲嚟嚟去去都係三個人

不過又唔會覺得悶

同埋三個人啲關係比較千絲萬縷

嗰陣我哋睇完出到嚟就講劇情，

最後我哋唔喺apm食嘢喇因為唔肚餓

就一齊返去屋企附近嗰邊

跟住就收到愷情個WhatsApp，

話下個禮拜六可以去睇戲

我之前咪講佢約我睇戲嘅，

佢叫我畀個時間佢

跟住我咪講下個禮拜六

依家佢覆返ok

講真嗰句，

我呢個人其實就好煩嘅真係

如果真係要約我出去，

無論邊個都好啦，

都要就我時間嘅

我唔講點解啦費事自爆

真係唔係扮大牌呀

總之關我依家做緊嗰行嘅事啦，

咁讀書嗰陣我梗係唔係正職

不過已經有份part time係呢一行嘅

身邊好friend嗰啲會知道咩事，

我就唔喺度講呀因為始終呢行唔係好闊

不過都要都多謝佢哋幾個咁多年嚟嘅遷就

平時放咗學唔得，

逢禮拜幾禮拜幾又唔得

呢日幾點之前得，

嗰日幾點之後先得，

個別日子又無啦啦唔得

我自己都知道好煩不過冇計因為真係收緊人錢做嘢

佢哋都冇畀說話我聽淨係問我邊日得，

係佢哋就返我轉頭

真係好感激咁多位，

講返當時先，

我:「你真係唔嚟一齊睇鬼片」

嵐嵐:「唔喇

唔想阻住你哋」

我:「有咩所謂啫睇戲咋嘛」

嵐嵐:「鬼片我真係興趣不大

亦都冇乜興趣做電燈膽

到時你識做啦」

我:「咩」

嵐嵐:「你真係戇居居

鬼片一定有啲scene有啲嘢無啦啦彈出嚟㗎嘛，

到時佢一定會搵你手臂或者個人遮住㗎啦，

雖然你唔大隻」

我:「唔係喎我唔差架喎」

嵐嵐:「哎呀早知我今日試下啦」

我:「即刻縮開哈哈哈哈」

嵐嵐:「係嘅我又唔係愷情」

我:「嗱嗱嗱嗱

嬲豬喇」

嵐嵐:「冇喎

鬼得閒嬲你」

我:「你擰過嚟先」

嵐嵐:「做咩?」

我:「你睇我呢度幾大隻」

我指住冇乜肌肉嘅心口

嵐嵐:「睇過.」

我:「你唔信嘅試下挨落嚟」

嵐嵐:「得喇知你大隻喇

唔挨都知」

我:「真係唔試下」

嵐嵐:「唔喇，

唔試都知」

我:「當然呢個位點都唔會夠你哋女仔大隻」

嵐嵐:「呢句說話其實係咪讚緊」

我:「梗係啦」

嵐嵐:「多謝你囉

好啦走先啦禮拜一見拜拜」

我:「拜拜」