[校園][純愛]《身旁的那一個》: 第六十七章

差唔多走嘅時候我諗咗啲無聊嘢

唔係講笑其實真係好無聊

我都唔知點解會咁做

你哋聽落去就會知㗎啦，

話說小弟有個超弱項





嗰樣就係畫畫

嵐嵐都知道我呢個弱項

因為我有同佢分享過我幼稚園嘅一件事

話說幼稚園嗰陣呢，

有一堂要畫畫





咁我細個就好任性

唔鍾意畫畫咁我就直情冇畫，

戇鳩鳩咁樣坐喺度

之後老師問我點解唔畫

我咪話唔鍾意唔想畫，





我細個都幾撚麻煩

跟住老師警告我，

唔畫嘅話要留堂

我都係冇畫到，

最後我屋企人接我放學嗰

問老師點解我仲未放得學，

之後捉埋我屋企人入嚟一齊畫

都搞咗兩三個鐘先走





呢單嘢我以前有講畀嵐嵐知，

我話做乜都得

你真係唔好叫我畫畫

去到依家大個咗，

當然就唔抗拒

不過都係畫得好撚差

小學呀初中嗰陣，





visual art呢科一定肥佬

不過嗰陣我竟然無啦啦鳩痕諗住畫畫送畀嵐嵐

等佢可以屌下咁解

我:「鍾曉嵐

陣間送樣嘢畀你」

嵐嵐:「你想送咩呀」

我:「陽具」

嵐嵐:「收皮啦你





送都唔要呀變態佬」

我:「講笑啫

我陣間畫畫畀你

零的突破」

嵐嵐:「嘩做咩事呀你

竟然畫畫你係咪傻q咗」

我:「氹下我哋嘅嵐嵐丫嘛」





嵐嵐:「唔係啩，

我發覺我哋嘅東哥呢最近好識畀驚喜人

一定係同愷晴一齊得多訓練有素」

我:「唔係喎真係唔關佢事」

嵐嵐:「你唔好扮嘢啦

如果唔係邊有可能」

其實我想解釋真係唔關事嘅

不過算啦佢咁肯定係費事講喇

嵐嵐:「你兩個點㗎拖咗咁耐嘅」

我:「咪又係咁

你睇到嘅嘢係點咪點」

嵐嵐:「愷晴真係比較怕醜㗎

你有意思呀快啲出擊喇

冇意思就唔好玩人喇

雖然我知你睇中人好耐，

咁但係你都要埋去拎㗎」

我:「咪多得你囉係咁俾機會我哋」

嵐嵐:「要感恩呀知唔知呀細佬」

我:「你真係做媒人做上腦」

嵐嵐:「你自己都唔抗拒啦

扮晒嘢」

我:「好啦返到你樓下我走啦

趕住畫畫畀你

拜拜」

嵐嵐:「好我沖住涼慢慢等」


走嗰陣先睇電話見到愷晴原來搵過我

跟住我咪覆佢囉，

之後佢秒覆問我咁耐嘅

我咪話肚餓去食咗嘢

嗰陣點解唔同佢講嵐嵐單嘢

係因為嵐嵐今次又唔係啲咩開心嘢

我又唔知嵐嵐有冇同愷晴講頭先我講嗰啲嘢，

我依家周圍講嘅話咪好衰

唔爆人秘密啦係咪先

所以就冇講到喇

之後我諗返屋企用小畫家畫畫

你哋放心下面可以睇到，

以前嗰幅呢我就冇save到

不過因為幫我寫呢個故事嗰個人(你哋知邊個㗎啦)

問我有冇印象點樣畫

事實上我真係有

所以我即刻畫咗畀佢

好老實講肯定唔會一模一樣

你當大致上係咁啦，

唔好意思呀咁多位讀者

要你睇埋呢啲垃圾

即管屌啦唔使忍住忍住



你哋當係咁啦

嗱，

嵐嵐平時個髮型其實唔係咁

佢係斜陰加條馬尾

係我唔識畫

講開又講，

我喺度就唔講今時今日嘅我

畫完之後有冇畀過呢一刻嘅嵐嵐過目

費事劇透啦，

總之喺我角度有七八成似

畫完之後save低咗做jpg檔

再WhatsApp叫嵐嵐睇msn

因為嗰陣唔似依家咁有web WhatsApp

我貪快貪方便就msn send畀佢算數

佢睇完之後話好好笑

我都知垃圾㗎喇，

嵐嵐:「哈哈企鵝仔好似烏龜」

我:「唔撚好意思

對住畫都出事.」

嵐嵐:「冇嘢喎哈哈哈哈」

我:「幅畫有意思㗎，

你睇下你嘅地位高過我哋五個幾多」

嵐嵐:「係喎原來咁解㗎」

我:「我驚你唔明呀

我特登講埋邊個打邊個」

嵐嵐:「好搞笑呀你真係

冇問題呀啲畫功唔錯」

我:「我寧願你就咁屌我」

嵐嵐:「呢幅相實要keep住啦」

我:「垃圾一張

我睇完決定下次都係唔會再畫」

嵐嵐:「真係幾好笑

多謝巫澤軒」

我:「最緊要你畀面啫嵐姐」

嵐嵐:「幾時冇畀面你」

我估唔到咁叫搞笑

我冇諗過佢會笑到咁誇張，

睇嚟我啲畫功真係地獄級

冇啦呢條之後我都冇畫過

對住任何人都封筆，

無謂出醜啦係咪先

不過算啦見到佢咁樣恥笑，

今次我呢幅畫應該合格……掛.