[校園][純愛]《身旁的那一個》: 第十八章

我:「做咩呀出左嚟嘅」

嵐嵐:「入面好嘈呀

又唔係好舒服咪出嚟囉」

我:「嘩你唔舒服做乜鳩呀」

嵐嵐:「冇嘢係入面太大聲啫我覺得





唔返入去溝女」

我:「我原本呀就係想叫你過嚟一齊吹水

點知唔見你喎

跟住呢就去你個位搵嗰條毒撚

佢又柒下柒下唔知你喺邊





跟住等一陣唔見你咪行出嚟囉

估唔到原來可以出嚟」

嵐嵐:「可以架

我見有幾個人都咁

出嚟買嘢飲跟住返去囉」





我:「咁戇鳩入面唔係任飲架咩」

嵐嵐:「唔知佢哋啦咁就

你入返去啦

我好快都返去架喇」

我:「睇你個樣烚下烚下咁樣

陪多你一陣啦」

嵐嵐:「多謝喎

入面愷晴呢」





我:「食緊野囉」

嵐嵐:「你哋冇跳舞咩」

我:「冇啦大家都唔識」

嵐嵐:「傻仔嚟嘅咁先有機會呀」

我:「驚尷尬呀兩條友對望

隻手又唔知點擺」

嵐嵐:「搞錯呀呢啲都驚





畀埋啲好牌都唔識上」

我:「你畀嘅咩」

嵐嵐:「天畀囉

咁都抽到一齊」

我:「係好彩嘅

原本我都驚dead air

傾下傾下又冇事」

嵐嵐:「同佢熟咗都好多野講架」





我:「都ok嘅」

不過見佢都好似唔係好自然咁

唔知做乜鬼

我:「唔返去」

嵐嵐:「坐多陣先啦隻腳痛痛地」

我:「做咩事呀」

嵐嵐:「高踭鞋刮腳呀





少少痛囉又唔係行唔到嘅」

我:「扮嘢啦你

你坐喺度我去買膠布」

嵐嵐:「下依家」

我:「梗係啦唔通聽朝咩坐低啦」

於是我就老撚跑去便利店買膠布

我就唔知有幾痛因為我冇著過高踭鞋

不過睇佢個樣就唔係好掂囉

平時串柒柒唔係咁㗎嘛

跟住我即刻去買膠布

買完就返去搵佢

我:「你睇下我幾勁」

拎住塊膠布對住佢

嵐嵐:「係幾勁嘅跑得咁快

不過我想問你點解跑呢

我又唔會走咗去」

我:「唔知呀

我知你整到，

咪拿拿臨跑去買囉

我都唔知點解」

嵐嵐:「你真係傻㗎」

我:「快啲黐啦」

嵐嵐:「唔該晒」

我:「嘩你竟然咁好口

睇嚟你真係唔係好掂呀」

嵐嵐:「咁有條友咁積極咁熱心

禮貌上都要多謝嘅」

我:「你知唔知我頭先入到去點問佢」

嵐嵐:「點問呀」

我:「我話我要膠布

嵐嵐整親邊度有膠布

好撚大聲呀」

嵐嵐:「咁佢點樣應你」

我:「佢咪話膠布喺呢度呀咁樣囉

可能當咗我係傻」

嵐嵐:「你咁樣講我都當你係傻啦痴線佬

無啦啦爆我個朵」

我:「肉緊呀嘛屌」

嵐嵐:「得啦得啦成日咁激動」

我:「你冇事就好喇靚姐姐

佢哋一定會咁講」

嵐嵐:「嘩雞仔狗仔馬仔你哋喺度嘅」

我:「梗係啦整到喎你

梗係搵佢哋出嚟」

可能讀者呢度會睇唔明

咁我就喺度詳細講啦，

事關我有個行為一路都冇同大家講

嗰個就係玩公仔

仲要玩得好認真

會扮佢哋講嘢啦平時

當佢哋係寵物有生命咁樣

會食飯會飲水會講嘢會讀書

平時會扮嘢扮三把聲

雞仔一把聲狗仔一把聲馬仔又一把聲

呢個秘密除咗我老母之外

就淨係得嵐嵐知

開頭佢都會屌我幾多歲呀仲玩公仔

慢慢會好奇怪喎佢會同我一齊玩

佢就唔會扮聲係問我佢哋點呀咁樣囉

因為有次我畀相佢睇佢覺得嗰三隻嘢好得意

所以我哋有時傾計嘅話題都會牽涉到呢樣嘢

扮佢哋把聲講靚姐姐就即係稱呼緊嵐嵐喇

我啲朋友得佢知架咋

其他人都唔知

點樣熟點樣friend都唔會同人講

希望讀者唔好屌鳩我

嵐嵐:「東仔你同佢哋講靚姐姐冇事啦」

我:「咁就好喇」

嵐嵐:「搞掂黐好咗」

我:「要靚唔要命

下次唔好喇」

嵐嵐:「咁著高踭鞋望落去好睇啲呀嘛」

我:「我就係知你啲女人係咁

鍾曉嵐我好撚認真同你講

腳痛就唔好著啦」

嵐嵐:「嚇死我以為咩事」

我:「你咁鬼靚唔著高踭鞋都溝到仔啦」

嵐嵐:「嘩你第一次讚我」

我:「睇下你幾撚小氣

咁都記得」

嵐嵐:「唓係呀我好記仇得唔得丫」

我:「得得得」

嵐嵐:「傻仔嚟嘅邊個話我著高踭鞋想溝仔」

我:「我就係知你哋啲女人有時扮靚真係為咗自己

刮腳真係好撚痛

你去第二度唔理你啦，

總之有我嘅場合你咪撚著高踭鞋

清唔清楚

點呀係咪好似啲教練」

嗰陣我貪玩啫

同埋嗰陣細個唔知道，

著高踭鞋其實係有好多方法保護隻腳

嵐嵐:「你真係傻㗎呢啲都好玩

好啦好啦

下次唔著高踭鞋啦著返平底」

我:「咁就乖啦」

嵐嵐:「返去啦好唔好」

我:「你行唔行到呀使唔使扶你」

嵐嵐:「多得你塊膠布囉

冇事啦」

我:「咁咪好撚勁」

嵐嵐:「梗係啦，

難得咁型仔畀你威返次」

跟住佢整個手指公

我:「好嘢好嘢拎到手指公

返去啦」

之後我哋就入返去，

入到去坐多陣就走

跟住佢哋班女好似約咗一齊返屋企

我就唔得喇

要返嚟休息瞓覺

咁就完咗呢個晚會.