[校園][純愛]《身旁的那一個》: 第十七章

愷晴:「賓仔

咦唔係賓仔喎

你好呀東仔估唔到同你一組」

我:「有冇搞錯呀愷晴姐

我邊有可能似賓仔





佢條友成條柒咁樣

平時又鳩下鳩下

點會似呀你係咪發雞盲呀」

愷晴:「唔好咁激動啦

唔係呀唔係呀冇事呀」





我:「哎呀唔好意思」

仆街激動咗以為對住嵐嵐

死火死火

好彩佢好似冇野

愷晴:「哈哈哈真係搞笑呀你





好型仔喎套衫邊度買」

我:「唔知呀都係嵐嵐條友幫我揀」

愷晴:「嘩點幫你揀呀」

我:「我本身就諗住搵海狗

我同佢比較friend啦下

不過諗諗下我唔係好信佢嘅審美眼光

又驚條仆街玩嘢

所以就唔好啦」





愷晴:「所以你兩個就去咗買喇」

我:「係呀

主要係佢揀完跟住我自己都覺得好

咁就算啦應該冇水我嘅」

愷晴:「冇話佢揀得好好」

原本我諗住爆料

因為我記得嵐嵐同我講過，





愷晴都係特登買衫應付呢個濕鳩晚會

不過諗諗下都係唔好

我:「你都好靚呀著到」

愷晴:「多謝

ok啦我本身驚唔啱著

我都係特登出去買，

因為我冇呢類型嘅衫，

有諗過買嘅不過一直都未買





依家好啦有個藉口」

我:「係喎其實今晚有咩做」

愷晴:「好似話有啲表演咁囉

同埋陣間出去好似有得拎嘢食

有啲似buffet咁樣」

我:「反正坐喺度戇鳩鳩咁樣

睇下有咩食先





係喎使唔使幫你拎埋

我呢啲gentleman嚟架嘛」

愷晴:「哈哈哈哈唔使啦」

老實講我又唔係特別鍾意食嘢

之不過驚坐喺度大家唔係好熟

會成日dead air

所以借頭借路話出去搵嘢食咁解.出到去睇，

真係好似平時buffet咁樣

呢度包冇酒精飲品任飲

不過都係得可樂雪碧芬達嗰啲

食嘅種類就冇咁多

似係party嗰啲小食囉

即係炸雞呀薯角呀嗰啲囉

日本野生冷野都唔見有，

老實講丫畀得你任食嘅幾多會好好食

睇落去正常唔係好難食我已經收貨

之後嗰晚真係有啲人喺度表演

同埋嗰場係歡迎我哋跳舞

因為我都見到有啲同學仔去跳

一男一女咁樣跳

我同愷晴就費事啦

估到你班咸濕仔會諗抽水

我唔係扮聖人

不過嗰陣真係冇呢個諗法

一嚟大家都唔識跳，

二嚟我覺得大家面對面跳舞會好尷尬

所以就冇喇

好彩坐耐咗我同愷晴都冇乜點dead air

有傾有講

講下啲無聊嘢是非咁樣，

因為小弟我都好撚八卦

哈哈哈哈唔好意思

愷晴:「嘩原來佢係咁架」

我:「通晒天你都唔知」

愷晴:「咁我冇留意呀嘛」

我:「唔好意思其實我唔係咁㗎

不過有時太八卦」

愷晴:「唔緊要唔緊要」

跟住我望一望，

屌唔見咗嵐嵐佢嘅

本身諗住搵佢吹下水

搵埋佢過嚟大家可以再多啲嘢講

算啦可能拎嘢食嘅等一陣啦

跟住我同愷晴繼續吹水，

吹下吹下都成幾個字，

仲未見佢返位

前前後後起碼成半個鐘

張枱得返條毒撚喺度

去咗邊度呢條友

於是我就扮拎嘢食

行過去搵嗰條毒撚

我:「鍾曉嵐喺邊度呀」

毒撚:「唔知喎佢好似話攞嘢食

跟住就冇返嚟喇」

我見佢柒下柒下咁樣

唔知喺度做乜，

問佢都冇用架喇

於是我就係食物區嗰度睇

又唔見佢喎

諗住係咪同人跳舞溝緊仔

都係冇佢嘅蹤影

跟住我以為佢去咗廁所未返，

點知兜多個圈都係唔見

跟住就見到原來呢個場開咗門

唔通條友出咗去

於是我就出埋去睇下，

講你都唔信我真係有先見之明

跟住我就見到佢條友坐咗喺度

佢背住我所以見唔到我行緊過去，

直至大家距離好近佢可能聽到聲

就擰轉塊面望過嚟

好愕然咁樣.