[校園][純愛]《身旁的那一個》: 第十九章

講完呢個晚會

時間點返返嚟開頭序章先

因為今日約咗其中一個主角買嘢呀

至於係邊個就唔開名住

等你哋心思思自己估下啦





佢:「我收咗工喇依家過嚟」

我:「依家應該叫你做Hazel姐

慢慢啦」

佢:「收皮啦你不嬲都唔係咁叫我」

我:「冇所謂啦都係一句啫」





佢:「唔使啦受唔起呀我

你喺邊呀」

我:「我收咗工喇依家過嚟旺角喇」

究竟咩事呢

事關呢條友要去買router





不過又唔係好識喎

就叫撚咗我陪佢去旺電買

我都係上price.com見到旺電有貨先話去呢度

呢方面佢條友真係唔識

其實我都唔係好識

都係上下網搵先了解多少

所以最後決定叫佢買我嗰隻算數

Netgear





不過佢話一齊去啦屌

算啦為人為到底送佛送到西，

收工之後就一齊去啦

呢刻發生嘅事就係咁嚟

佢:「唔好意思呀麻煩晒你呀今日」

我:「好心就叫你啲兵仔啦

搞我做咩呢」





佢:「sorry喎冇兵」

我:「咁撚靚女都冇唔係掛」

佢:「仲細咩你講呢啲嘢氹我唔到㗎喇」

我:「挑扮嘢

咪喺度笑」

佢:「係啦係啦畀你發現咗」

我:「去買啦」

佢:「嗯，





係喎陣間食咩」

我:「食嘢不嬲都係你話事

你揸主意啦」

佢:「又係喎」

我:「呢度就係啦

入去go」

買完之後就走，





去食嘢啦反正都肚餓

之後少不免就梗係傾計

佢:「以前同你出旺角都冇行過呢度」

我:「你呢啲對電子嘢冇興趣嘅人

點會行呢度丫

冇嘢多最多就係毒撚」

佢:「毒撚唔係重點囉」

我:「我都冇興趣

不過我買電子嘢就會過嚟呢邊囉

深水埗太多人喇」

佢:「係喎我同你以前都冇行過深水埗

嗰陣唔去嘅」

我:「知你唔鍾意吖嘛咪唔去囉

老實講我都唔係好鍾意

你知我啦幾時話同你講打機

有時打機都係為吹水」

佢:「咁我都知

嗰陣我好似都問過你

你都係咁同我講」

我:「咁耐年前都記得」

佢:「你都唔知女人

呢啲嘢有排記

嗰陣仲要係第一次

雖然唔係好長啫哈哈」

我:「真係唔好意思

衷心講嘅」

佢:「巫澤東

唔係呀巫澤軒先啱

咁多年我聽左好多次啦

都話冇嘢囉

我冇嬲過任何一個人

我嬲嘅話點會做同你keep住咁多年contact

你同佢都係

我完全冇嬲過任何一個」

我:「證明你大方

呀......

唔係應該叫你Hazel姐先啱」

佢:「好煩呀你

係喎佢最近拍咗拖你知唔知」

我:「係咩

冇留意喎」

佢:「嗰陣真係唔明你兩個

我到依家都唔明呀」

我:「諗諗下嗰陣唔夠經驗處理得唔好

處理得好啲可能成件事都唔同」

佢:「我唔係幫你

不過好多嘢冇經驗就梗係唔得㗎啦，

我都好肯定佢冇嬲你呀」

我:「係就好啦」

佢:「Davis同Manus估唔到可以真係一齊行到結婚呢個地步」

我:「係囉

好佩服佢哋」

佢:「我哋嗰班會夾埋送一份厚禮

預埋你㗎喇」

我:「好呀冇所謂」

跟住食多陣就大家各自返屋企，

撞返舊同學舊朋友難免會諗多啲嘢

的而且確大個咗之後冇乜時間反思返以前

做嘢嗰度都用咗一大半時間

我當唔使ot，

跟住又要花啲時間返屋企，

食飯沖涼基本上都差唔多八九點

做自己嘢一陣跟住都瞓覺

邊有時間心機諗返以前啲嘢呀

係依家見返舊朋友返屋企嗰段路程先諗多啲

有時我都好天方夜譚咁諗

如果今時今日嘅自己，

返到以前做多次決定會點

結論都係冇答案

不過老套啲講句都要多謝呢啲經歷

先至成就今日喺度分享嘅我

以後成世都唔會再有呢啲經歷發生

結果係點都好，

都好感恩有呢啲故事出現

容許我喺度再三回味多一次

繼續麻煩咁多位讀者睇啲咁沉悶嘅故事.