[校園][純愛]《身旁的那一個》: 第十六章

講下講下終於去到現場

個場都幾大

始終都要容納兩級嘅學生，

跟住又有啲校董校長老師嘉賓

差唔多啦





跟住喺現場睇下周圍

男仔就冇乜特別

都係恤衫西褲老西皮鞋

女仔就唔同囉

好肯定扮靚真係女人天性





有啲人執到靚一靚

分分鐘真係純粹想自己開心下

有啲師姐就真係好戰鬥格

心口好少布

令到血氣方剛嘅我蠢蠢欲動





睇下睇下聽到有把女人聲叫我

因為嗰陣我同幾個男仔坐咗喺呢個位度

傾下計仔又睇下女仔咁樣

屌仲有邊個

嵐嵐:「睇到咁入神

有人喺度架喎」

老老實實佢執到幾正

著咗條淺藍色裙





佢本身唔係好矮

嗰條裙去到膝頭哥再上少少啦

又唔係好暴露

起碼show到隻腳修長

著埋高踭鞋

真係好似啲人去飲咁樣

我:「睇咩啫





我傾緊計咋嘛」

嵐嵐:「係囉實係咁啦」

愷晴:「hello呀東仔」

愷晴佢都係著到飲咁樣

佢就著咗條粉紅色裙

本身靚女著乜都靚

老老實實審美方便我都麻麻地

好難形容得好細緻畀你聽





再加上大佬咁鬼耐年前邊記得咁多

嵐嵐:「係喎好似差唔多分組架喇喎

我見到miss頭先話叫你哋過去」

我:「真定假淨係叫我哋」

嵐嵐:「咁我入嚟見到miss坐喺門口

跟住經過佢就同我哋講

叫我哋班嘅人快啲去門口集隊」





我:「嚇撚死幾驚淨係叫我」

嵐嵐:「唔使驚唔使驚」


原來最後係咁玩，

我哋之前咪抽咗籤嘅

男女各自抽籤

相同顏色就為之同一組

嗰日miss拎咗兩本簿出嚟

一本男仔一本女仔，

上面有三個資訊

學生個名啦

抽到嘅顏色

同埋所屬嘅枱號

我對完之後

就要睇下現場張枱喺邊度

我又好彩喎原來好近我

即刻坐低咗，

安頓好喇

跟住就梗係周圍留意下

睇下識嘅人坐邊

一望就見到嵐嵐條粉腸

佢個位同我唔算好近

不過都見到，

之後佢見到我又喺度做口型

「望咩呀望」

白痴

你唔望我點知我望你

咁我咪對住佢做返口型

「收皮啦你」

跟住我見到佢同我講，

都係做口型因為我哋冇行近

各自喺自己個位度

佢話「你今日應該好好彩」

咁我咪覆返佢「又喺度烏鴉口」

佢:「到時你咪知囉

一嚟就話我烏鴉口」

我:「點解你會有咁嘅判斷呢」

佢:「因為我覺得你今日印堂冇發黑

平時見親你一睇就知你黑仔」

我:「仆街啦你」

唔好問我點解睇到

我都唔知，

總之同佢做口型嗰陣，

好多時都知佢講乜鳩

就算唔係講一兩個字嗰啲，

我都會同佢溝通到

佢又好撚出奇會知我講乜嘢

正當我同佢傾緊嘅時候，

唔係講笑發夢都估唔到

仲勁過拍戲

我見到愷晴拉開張櫈坐低，

跟住再望一望嵐嵐

又喺度做口型，

「係咪呀」

之後佢就望返前面.