【校園】【愛情】A0毒男的愛情史: 【稱呼的重要】

我同冰女王去咗搭巴士，趣事在此發生了，我嘟八達通之後去上層求其揾位坐低，是靠近窗邊的座位，冰女王一語不發地坐在我身旁。

「坐我隔離做咩，乜我哋有咁熟咩。」我直接說出真心話。

「吓！」冰女王受驚。

「吓咩嘢，我同你見得過一次面咋喎，換句話說可以話係完全唔相識。」

「...」冰女王無語





「後面都有位，你唔坐？」

「...」她依舊O曬嘴咁望住我。

「你唔坐我去坐。」我站起身來向通道走動。

「哇！呢條友咩事，扮曬熟咁嘅。」我心中暗道，幸好當時巴士上層空無一人，可以隨意調位。

這次我向後移動了大約有兩個座位的距離，想講冰女王應該唔會咁癡線跟過嚟掛。





劇情發生得真係有趣(真實回憶)，當我坐低唔夠五秒，凳都仲未坐暖，冰女王直接跟左過嚟，並一下子推我往裡面擠。

「咩事吖，陌生人。」諗翻真係覺得自己好冇禮貌，在此偷偷同啊周婉兒小姐講聲對唔住。

「陌你條命吖，都話人哋有名㗎囉，我叫周婉兒！周婉兒吖，你聽唔聽到吖。」冰女王一副快要哭出來的樣子，令我的氣勢(靈壓)一瞬間從獅子變回綿羊。

「聽到，聽到，你冷靜啲先，我錯，對唔住，對唔住。」冷知識，當你做錯事，首先講聲對唔住，完全冇效果！？咁就講多幾次，實夠做。

「哼。」她坐下把臉別開，翹起雙手，像極了小女孩般。





大概沉默了幾分鐘左右，走，我係走唔甩㗎喇，淨翻低溝通呢個方法。

「Er...冰女王我哋去緊邊呢。」我問道。

「哼。」冰女王唔想答我都唔想望過嚟。

我講錯啲咩？我不斷思考，當時嘅腦袋非常之給力(請各位自行想象畫面)，燈泡💡叮一聲出現，係稱呼，一定係稱呼。

「Er...周小姐，我哋去邊呢。」

冰女王目光終於放喺我身上，不過只停留在我身上三秒左右，又把臉別開了。

嗯！？仲有問題，我眉頭一皺，百思不得其解。

「周...婉...兒？」我戰戰兢兢看著她說道。





「點啊，乜我哋唔係陌生人咩，做咩亂咁叫人個名。」冰女王終於回應我。

「唔係，唔係，點會係陌生人呢。」

「咁係咩吖。」

「Er...淨係見過一次面而又唔熟悉嘅隔離band1學校女學生，之後仲要無端端跟咗佢去搭巴士去啲不知名地方。」諗起都尷尬。

「你...」冰女王作勢要打我。

「吖！反對暴力啊。」我雙手高舉擋在前面。

「我畀你答多最後一次。」冰女王宣告最後通牒，深深感受到生命收到威脅。





「Er...朋友囉。」我拉長尾音。

「囉！？」

「朋友！朋友！識咗一日嘅朋友。」

「咁就差唔多。」

「咁講翻正題先，我哋到底去緊邊。」

「去XX象棋XX。」

「去嗰度做咩。」

「到站喇，落車再同你講。」





未完待續.......................