【校園】【愛情】A0毒男的愛情史: 【聖旨】

「叮噹叮噹。」放學嘅鐘聲響起。

如同往常一般，我都會等埋啊晴執書包一齊放學，並沒有什麼企圖，這已經變成習慣了。

「我執好啦，行得。」啊晴說道。

走著樓梯都不外乎聊著上課的趣事，像似今日英文科的男老師火車未到站(無拉褲鏈)，持續了一個半小時的課堂，到最後才驚覺發現，又或者聽聽女生們的八卦，最為震驚的是Amy小姐竟然正在暗戀我兄弟Andy。

「你千奇唔好講出去吖，我實會畀Amy鬧死㗎。」啊晴說道。





「我轉個頭就會唔記得件事㗎。」哇咁大件事冇人講！？依家仲要我都知埋，大鑊喇。

「勾手指尾，唔准講出去㗎。」啊晴把尾指放在我眼前示意。

「得啦，一定唔會講出去。」我勾好手指尾。

行行下就嚟到校門口，前面遠方有個女仔身影咁熟口面嘅，一時間諗唔起係邊個，是但啦，無謂浪費自己嘅人體CPU(大腦)，唔理佢啦。

之不過呢位女士嬲爆爆咁樣越行越近，直到佢擋住咗喺我面前。





「嗯？佢做乜鬼嘢。」我心中暗道。

我腳步踏向左面，試圖避開她，但她跟著我的步伐移動，擋在我面前，我眉頭一皺望住她，略有不滿地向右移動，她依舊跟住我移動。

「你啲朋友？」啊晴問道。

「我唔知喎，小姐你做咩事呢。」我問道。

「吓，你唔記得我！？」冰女王說道，當時嘅我仲記不清佢嘅樣貌，不可抗力吖，得見過一次面，又冇放過上心，鬼記得咩。





「有啲印象，不過真係諗唔起。」我說道。

「你望真啲。」

「Er...我真係唔記得。」

「唉，我係周婉兒吖。」冰女王說道。

我單手托著下巴沉思「周婉兒...周婉兒....哦！冰女王，我記翻起喇。」腦中叮一聲回想起。

「冰...唉算啦，你依家得唔得閒吖，有啲事揾你。」冰女王問道。

我望向身旁的啊晴，只用了0.5秒嘅思考時間「我唔得閒。」直接拒絕冰女王，同啊晴返屋企呢段路程係我嘅事情優先順位排名第一位。

「...」冰女王無語，我同啊晴從她身旁走過。





「佢好似真係有事揾你喎，咁樣拒絕人好似唔太好喎。」啊晴說道。

「我想同你一齊行返屋企多啲。」死喇，一個唔小心講出真心話添。

「唔係吖，我嘅意思係話明明都一直一齊行返屋企，變咗我自己一個好似好奇怪。」真係頂你個肺吖，我到底喺度講緊乜。

「不如你去睇下人哋有咩需要啦，佢好似真係有事揾你喎。」啊晴說道。

「但係我同佢都唔熟。」我說道。

「你去啦，咪當幫下人囉，又唔係得今日先可以一齊放學，大把機會啦。」啊晴說道。

「唉呀，你去啦。」我正在苦惱中，啊晴已經推咗我返去，獨自一人離去。
.




「你唔係有事揾我咩。」我走回去。

「誒，你點會....」

「我受到聖旨。」

「吓，乜嘢聖旨？點都好啦，你跟我嚟。」

「去邊啊。」

「陣間你就知。」

未完待續.....................