【校園】【愛情】A0毒男的愛情史: 【象棋會所】

【最近統測，不定時更文】

行咗五分鐘路程，終於到達目的地。

「就係呢度吖。」我說道。

「跟我嚟。」

「哦。」冷知識，千奇唔好亂咁跟陌生人行，後果難以負擔，就好似故事中嘅林梓圓先生一樣，佢即將要面對佢可怕嘅後果喇。





「啊妹，呢個星期又嚟吖，少見喎。」番外篇出現的接待員姐姐說道。

「有啲事。」冰女王說道。

「呢位係.....啊妹你竟然帶男仔一齊嚟！？」

「你好。」標準將上半身彎曲30度鞠躬。

「啊妹你幾時識男朋友㗎？你啊爸知唔知吖？拍咗幾耐拖喇？應該未錫過呀？」接待員姐姐以機關槍形式嘅提問冰女王。





喂，小姐你冷靜啲好喎，邊個要同呢個自尊心又強，又亂咁發脾氣嘅女仔一齊，我想開口否認，但我相信當事人說出來的話語應該較為可信。

「唔係吖....朋友嚟咋。」冰女王紅著臉回道。

哇，冰女王，你用啲咁嘅語氣應人哋，誤會變得仲大啦，我真係睇唔過眼。

「小姐，我諗你誤會咗，我同冰neoi5......周小姐只不過係普通朋友，而並非情侶關係，我只不過係受到呢位周小姐嘅邀請到來，同埋我哋都唔同學校，你望下我哋身上嘅校徽都唔同啦。」我解釋道。

「但係，小姐佢....」





「唔好再講落去喇，我要經理室鎖匙呀。」冰女王打斷接待員姐姐說道。

「老闆佢頭先出咗去喎，佢交代低如果啊妹你嚟嘅入去經理室坐住等一陣先，老闆應該四點搭三就返到嚟喇。」接待員姐姐把鎖匙交出。

「唔該。」冰女王說道。

當冰女王前往經理室時，我還站在接待處一動不動，她走到半路時才察覺到異樣，我估計她應該是只聽到一個人的腳步聲吧。

「你企喺度做咩吖。」

「等囉。」

「等咩吖。」

「唔知喎。」





「過嚟啦。」

「唔要。」

「點解吖。」

「唔想。」

冰女王走回來強行拉著我前往經理室。

「乜你咁暴力㗎，肯定冇男仔鐘意你。」

「關你咩事吖。」





「的確唔關我事，係關你事啫。」

「你....」

隨後便進入了經理室，裡面的裝修我不懂得如何形容(咪姐係文筆廢囉，仲咁多廢話)請自行想象，有個大玻璃櫃，裡面有林林總總嘅象棋獎項、證書，有張疑似係冰女王小學生日相。

「呢個你嚟㗎。」我問道。

「好得意呢。」

「...」冰女王你....識唔識得尷尬兩個字點寫。

經理枱上面有個用木頭雕刻嘅象棋【帥】字模型，深紅色嘅字體更添加了一股霸氣。

「你求其揾位坐住先啦。」冰女王說道。





當我鬆一口氣坐低先開始發覺....我依家...依家係同緊一個女仔喺同一間房，咪住先，孤男寡女共處一室會唔會出事㗎......

我越諗越緊張，手部都不自覺開始顫抖起來，為了假裝冷靜，我從書包裡面拎起幾日前喺圖書館借嘅【你的善良必須有點鋒芒】繼續觀看，好讓我心情能夠平復下來。

「睇緊咩吖。」冰女王問道。

「書。」

「我夠知啦，咩書嚟。」

「應該係心理學書掛。」

「借嚟睇下。」





「我仲睇緊㗎。」原本已經冷靜下來的心情，一瞬間又打回原形，手掌又開始冒汗了。

「唔好咁小氣啦，係咪男仔嚟㗎。」竟然同我玩性別情緒勒索，我一絲都冇反駁嘅餘地。

「...」沉默是金，我繼續睇落去。

突然冰女王上前搶奪書本，我死死守護，雙方變成拔河大賽，好彩我平時得閒有同Andy、Force仔打波啫，力度仲未到達弱雞程度。

過程中我一個不小心用力過猛，連同書和人一起拉過來「吖~」一聲，冰女王向前一倒。

避唔避開好呢，這句話在腦中重複一遍又重複，不過因為爛好人的性格，我不忍心讓他人受傷，儘管我對那個人印象分數極差。

我雙手托著冰女王的肩膀，以防她掉落，不過如果從門外角度看來，應該是兩人正在激情擁抱。

「咔嚓。」門外傳來鎖匙聲，我聽到聲音後目光跟隨其後，看見有一雙皮鞋已經從門外踏進來了。

未完待續......................