[重口味]黑貓館: 第二十六回 女同事

第二十六回 女同事

兩條友開始係餐廳準備,
就喺亞信耷底頭掃緊地時,
有一對複刻紅黑色air jordan 11係視線範圍內出現,
做乜今日咁多腳睇...

亞信抬頭一望見到有個好sporty嘅女仔企係到.
戴住幅黑色圓框眼鏡,短頭髮個樣幾甜.
個女仔對住佢笑一笑然後話:[唔該...我今日呢返工架.]



[吓....]
亞信柒下柒下唔知乜事,
企係後面嘅明哥即刻話:[係呀,今日有新同事呀.]

少女對住亞信講:[你好呀,我叫嘉嘉.]

亞信慢幾秒先識得應人:[妳好....我叫...亞信.]

權哥行過去諗住同嘉嘉打招呼,


點知電話突然響起,
佢只好走去聽電話,
佢邊行邊同亞信講:[你幫我招呼新同事.]

亞信點點頭於是就帶咗嘉嘉去員工室.
攞咗一套全黑色嘅制服比嘉嘉換.

呢間所謂員工室其實只係比個衣櫃大小小.
無法,香港地吋金呎土,
有地方都留比餐廳用啦,


唔洗去廁所換衫已經好好彩.

亞信企係出面,一邊等佢換衫一邊玩HMD繼續識女.
對亞信呢講比女拒絕可以話係家常便飯,
呢一刻食檸檬,嗰一刻又再呢過.

嘉嘉好快換咗衫行出呢問:[點呀?]
估唔到呢套咁平平無奇嘅黑色制服著係嘉嘉身上另有一番風味,
唔知係唔係細咗一個碼,
著到有D緊睇落有前有後,
攪到亞信忍唔住望多兩眼.

跟手帶住佢邊行邊講解下餐廳D野比佢知.

教新人呢D野都成日做,


飲食業流失一向好大.
鬼咩,工時長工作量大又辛苦又受氣,
D人洗嗰一百幾十就當正自己係皇帝咁.

講咗一輪見嘉嘉都無出聲亞信問:[妳....做過呢行未架?]

嘉嘉有D尷尬笑笑口話:[未呀,處女下海第一次.]
聽到處女呢個字亞信個心好大力跳咗一下.
一時間好多畫面走咗出呢,
亞信幾乎面都紅埋,

[信哥....你無事丫嗎.]

[吓...無...無野,就咁...叫亞信得啦.]



[哦.]

[咁..開工啦.]
雖然唔係第一次教新人,
但係唔知點解亞信對嘉嘉有種奇怪感覺,
正確呢講佢對所以講野超過五句嘅女同事都有呢種感覺.
宅男都係好多幻想下.

於是幾個人開始準備開舖,
作為一間西餐廳三個人做樓面其實有D踢腳.
嘉嘉雖然係新手,
不過好快就摸清楚D野應該點做.

一輪衝鋒做完個午市,
三點半左右終於可以坐底休息,


成班人連埋廚房佬一齊坐係張大檯食員工飯,
亞信坐係嘉嘉隔離一粒聲都無出過,
只係望住部手機.

未完待續