[重口味]黑貓館: 第二十五回 工作

第二十五回 工作

另一邊亞信返到公司準備換衫開工.
臨開工前依然望住部手機.

對宅男呢講放底部手機係一種極度痛苦嘅事,
就好似正常人失戀分手一樣.

手機就係佢老婆,
重要係一個永遠唔會say no嘅女人,


無論你有乜需要,
只要你係pornhub打幾隻字就有,
要大波有大波,要SM有SM,
再重口味D都有,
真係想點就點.

亞信全神貫注咁打字,
今次唔係睇4仔,
而係玩緊app.



見到屏幕上寫住.

4+人妻:[Sorry,你唔啱我囉.]

180消防巴:[唔啱唔緊要,都可以做個朋友.]

(對方已經離開,無法傳送訊息.)

亞信見到呢句忍唔住爆粗:
[屌...又係咁,講唔夠一日就走,


個L個都話玩Heymandi可以食到女嘅,
點解次次我都係食白果.
究竟係我講野有問題定D女要求高?]

[咁梗係你問題啦.]
突然身後有人講野,
嚇到亞信幾乎跌咗老婆落地,
啫係佢部手機呀.

亞信身後企咗一個男人,
黑黑實實幾高大.
佢係呢到經理叫權哥,
佢笑笑口話:[你咁樣邊溝到女架.]

比人串即刻收埋手機.


[超,你好勁咩.]

[Hehe,講溝女我一定叻過你囉.]

[鳩up你就叻.]

權哥無回應只係陰陰嘴笑:[夠鐘啦,開工啦一陣老細又屌呀,我放餐具你掃地然後攞餐牌出去門口.]

亞信做咗個OK手勢.
佢係中環蘇豪呢間西餐廳都做咗幾年侍應.

雖然兩個人有好大分別,
可能人夾人緣啦,
平日佢兩個最fd.



未完待續