[重口味]黑貓館: 第二十七回 大佬細

第二十七回 大佬細

做飲食最大鑊就係落場幾粒鍾,
有人食完飯會瞓教又有人會玩手機,
亞信同權哥食完飯行咗出去後行煲煙.

兩個人坐係樓梯一邊望下女一邊吹水,
[有乜方法可以令D女㩒我呢.]

[你寫乜自介呀.]



[咪180紀巴囉.]

權哥忍唔住笑:
[你知唔知HMD有幾多人寫自己係180消防巴?]

[唔知....]

[邊有咁多180丫,你自己覺唔覺得好無說服力呢.]



[喂,咁D女係咁要求丫嗎.]

[咁我比你add到人傾計嗱,如果轉TG換相點?]

[咪....用假相囉.]

[咁之後呢?]

[之後....未諗到喎,都未試過可以去到呢一步.]



[唉,你不如寫返D正常野啦.]

[點叫正常?]

[好似,唔約,唔轉app,只傾計囉.]

[吓,呢D全部都唔係我想要喎.]

[屌,乜你咁撚蠢架,肯同你傾已經成功第一步啦,比D耐性條女有興趣自然轉TG換下相架啦.]

[係真唔係呀.]

[超,唔信你咪繼續打飛機囉.]
權哥食家一樣同亞信講解,聽到佢半信半疑.



[原來你地係到呀.]
嘉嘉係佢地背後講野,
亞信即刻好鬼祟咁收埋部手機.

喜嘉見佢咁就講笑話:[睇緊4仔呀,咁緊張.]

亞信無出聲.
嘉嘉完全唔客氣一野推開亞信坐係佢同權哥中間,
佢坐落呢嗰下好大力,
對奶震咗幾下,
兩個麻甩佬同事望到呢一幕,
忍唔住會心微笑.

[你地剛才係到傾乜咁開心.]
權哥笑笑口無出聲,


見嘉嘉無乜所謂咁就遞咗支煙比佢,
嘉嘉接過支煙.

現在變咗三個人坐係樓梯邊煲煙邊吹水,
主要都係權哥同嘉嘉傾,
亞信只係坐係到玩app間唔中應兩句.

就係佢地傾計時一部銀灰色賓利停係面前,
三個人踎係樓梯望住呢部幾世人工都未必買得起嘅房車,
形成一個好強烈對比.
香港真係貧富懸殊得好緊要.

車上有一個全身黑色西裝戴住黑超嘅人落車,
望落似係一個保標佢四維望一望,
之後行去後座打開車門,



車上面一個身穿白色西裝頭束馬尾嘅中年人先落車,
佢整理一下自己套幾浮誇嘅衣著,
然後好有風度咁抽手入車箱入面,
拖住一個好似明星一樣咁靚嘅女人落車.

呢個男人對住佢地打招呼,
權哥即刻好快整息支煙行過去,

見到權哥對住呢男人恭恭敬敬,
嘉嘉好奇問:[個亞伯乜水呢架.]

[妳話白頭佬?佢咪係大佬細囉,上星期重係金髮美女,今星期又換畫,有錢真好.]

[嘩,乜呢間餐廳仔個老細咁有米.]



[佢之前係呢到食客,因為好鐘意呢到D野食早排咪同舊老細賣起呢間餐廳囉.]

[哦,原來如此....]
權哥轉身同亞信打一打眼食,
亞信即刻好醒目咁同嘉嘉講:[行啦,入去準備招呼老細.]

[吓,現在落場喎.]

[老細要食野妳係唔係夠膽唔招呼丫.]
嘉嘉只好有D無癮咁起身入返餐廳.


未完待續