[重口味]黑貓館: 第十五回 大婆

第十五回 大婆

望住軒仔個天真笑容世雄話:[差唔多啦.]

[咁都重係好大隻喎,點放得落呀.]

世雄笑一笑講:[我帶你去媽媽到問下好唔好?]

[好呀.]
兩父子一齊坐私家lift上二樓,


係室內都有lift,果然係豪宅.
未上到去樓上已經聽到喧嘩人聲同打麻雀聲.

門一打開,
世雄無理會只係同個仔入去間房,
呢間係軒仔嘅睡房,
成間房放滿公仔同玩具,
數量多得有D驚人,
有D根本全新連盒都未開.



可以想像世雄有幾錫個仔,
佢地望咗一望唔見有人於是繼續行,
去自己間睡房,
呢間房好大同大廳一樣有個無敵海景,
兩個人唔見有人於是行入房內嘅衣帽間搵,
可惜入面都亦唔見.

佢地只好繼續係二樓搵,
當行過一間打開門嘅房間,
世雄抱住軒仔入去,


見到有四個女人係到打牌.

世雄叫咗一聲:[老婆.]
其中一個身形肥胖同世雄差唔多年紀女人望住佢話:[做乜呀,你唔見我打緊牌咩?]

見到老婆面有不悅世雄同軒仔講一聲:[叫大媽啦.]

軒仔跟住老豆講咗聲:[大媽.]
個女人反而對軒仔有反應笑笑口講:[軒仔乖.]

呢個女人叫悅明,
佢係世雄嘅正印老婆.
世雄又再問:[悅明....見唔見少霞呀?]

悅明有D唔耐煩話:[你有病呀!!你嘅人唔見咗走呢問我!?佢有手有腳我點知係邊呀?]


其餘幾個私奶聽到呢句係到陰陰嘴偷笑.

見到咁環境雖然心中有氣,
不過世雄敢怒不敢言,
只係講咗句:[咁唔阻你地.]

未完待續