[重口味]黑貓館: 第十六回 工人

第十六回 工人

世雄好無癮咁行返出去同軒仔講:[媽媽可能係樓下.]
於是兩父子落返樓.

世雄原本心情好好,
但係比悅明咁落佢面,
條氣即刻chuk住,
行過大廳一手攞起放係鋼琴上面支路易十三邊行邊隊.



個大廳一眼望晒唔見有人,
於是佢地行過去廚房,
同樣入面無人,
不過係廚房再入D嘅工人房入面聽到有聲音傳出呢.

世雄同軒仔講:[媽媽應該係入面,我地入去搵佢.]
經過間大過好多人間屋嘅廚房,
見到有一間房間,
世雄推開對門,
一間唔夠六十呎嘅工人房,


同剛才嘅樓上嘅房間比,
呢到似一個櫃多過似一間房.

房入面有一個緊緊夠一個人企入面嘅廁所.
聽到入面有水聲,
少霞係入面沖緊涼.
兩父子只好坐咗係床上面等.

世雄一向心高氣高傲,
從來只有佢鬧人無人敢鬧佢,


可惜一物治一物,
係屋企最惡嗰個唔係佢而係悅明.

每次比佢鬧都只可以啞忍,
越諗越慶係到不停隊酒.

過咗一陣廁所門打開,
少霞包住毛巾行出呢,
見到兩父子坐係床到有小小愕然.
[做乜事入呢呀?]

世雄面黑黑講:[個仔有野問妳.]

少霞知佢脾氣一向好臭,
見佢好似心情唔好重攞住支酒所以唔夠膽惹佢,


於是烏底身同軒仔講:[哦...咁有乜野問呀?]

[媽咪,Daddy話我喺妳個肚到呢係唔係呀?]

少霞微微笑話:[係呀.]

軒仔一手舉起隻米奇講:[Daddy話我細過好似米奇咁細隻係唔係呀?]

[係呀.]

[咁我點出呢呀?係唔係喺個口到走出呢架?]

[吓....唔係.]
對於所有父母都應該有經驗答過呢個尷尬問題.



未完待續