[重口味]黑貓館: 第十四回 往事

第十四回 往事

天壐.

一個好有氣勢嘅名,
屬於九龍站上蓋嘅超級豪宅.

當中頂層一個千呎大廳嘅複式單位入面,
幾米高嘅天花上面掛住一盞比人重要高大嘅施華洛世奇水晶吊燈,
水晶燈下面放咗一張意大利人手做八人大梳化,


地下選用金黃色橡木地板,
重有一套超過百萬的音響組合,
單係呢套野都唔知係幾多人成世嘅人工,
果然係一個充滿貴氣嘅大廳.

大廳嘅一邊係一整排落地玻璃窗,
而另一邊牆上掛咗一張屋主本人嘅油畫相,
而呢個男人剛好係到欣賞眼前嘅風光.

世雄一邊攞住杯路易十三一邊望住呢個180度無敵海景,


企係窗前望出外面五光十色嘅維港夜景,
所有景物都變得模型一樣咁細,
高高在上真係好似君臨天下一樣咁有氣勢.

打拚多年終於事業有成,
呢一刻可以話係佢人生嘅巔峰.

就係佢陶醉緊嘅時候聽到軒仔叫佢,
[Daddy,我有個問題想問?]



回頭望住只有幾歲嘅軒仔係地下攞住個米奇公仔走過呢.

世雄一手抱起佢,
對佢呢講人生最開心莫過於有呢個仔,
六十幾歲人老來得子.
世雄摸住軒仔個頭錫咗佢一談講:[乖仔,有乜想問?]

[我想問呢,我係邊到嚟架?]
呢個問題應該每個細路都問過.

世雄飲咗酒有小小醉意笑笑口話:[你咪喺你亞媽個肚都嚟囉.]

[我咁大點可以係亞媽個肚入面呀.]

世雄笑笑口話:[咁你BB嗰時好細架嗎.]



[係唔係好似呢隻公仔咁架?]
軒仔攞起手上隻米奇公仔.

未完待續