《愛在。貴族學園》: Ch 30 ~ 思念（下） Part 5

Ch 30 ~ 思念（下） Part 5（連載日期：2024/11/17）

喺俊軒同韻喬番到位之後...

「早晨呀殷殷！咦，做咩我枱面無端端多咗盒朱奶嘅？係咪你買畀我咖殷殷？」韻喬居然去問天殷盒朱古力奶係咪佢買，不過俊軒聽到韻喬咁同天殷講，都唔知笑好定嬲好啦。
 
「小喬、小軒早晨呀！盒奶呢，就唔係我買嘅，不過頭先喺我返嚟嘅時候，就見到盒奶已經放咗喺度啦喎…」天殷一邊溫書一邊答道「喬喬呀，會唔會其實係軒仔幫你買咖？軒仔應該早過我返到咖喎！」
 
「係我買咖，殷殷、小喬，因為我怕小喬你得麵包做早餐嘅話，會太過乾吖嘛，而且呢依家天氣又涼喎，所以咪買一盒畀你囉，等你可以暖下個身嘛！咦咪住，小喬你……」俊軒親自回答女朋友嘅疑問。
 




「嘩，你就好啦張韻喬！咁快就有男朋友買朱奶畀你，等你食早餐唔會太乾喎，簡直幸福死!唉！閃死人啦！唔識人啦！派狗糧啦！」坐喺凳上面嘅天殷發言打斷咗俊軒，同時都要寸一下自己嘅好姐妹。

而此時禮謙上氣唔接下氣咁返到班房「謙謙吖！你番到嚟就啱啦，你快啲過嚟評下理啦！」
 
「早晨呀！但係搞咩呀天殷你！而且我一番嚟咩都唔清唔楚，你就要我嚟評下理？呃，小喬、小軒你地早…早晨啊啊啊！」禮謙上氣唔接下氣咁講。「嘩！我好在趕得切咋！如果唔係又要畀Ms張罰啦！」

其實禮謙返到班房嘅時候，已經距離打鐘尚有兩三分鐘時間。
 
「咪就係你個死黨林俊軒囉謙謙，你睇下啦，佢同喬喬一齊之後第一日返學，林俊軒就一早買野飲畀小喬送早餐啦，而我呢，就咩都冇，唉！」天殷抱怨道「林俊軒你真係有異性冇人性呀！過分！」
 




俊軒同韻喬聽完天殷咁講，就喺度同對方苦笑，但韻喬都有同俊軒講聲「唔該小軒你呀！」

但係呢個時候，禮謙突然之間由書包裏面，拎咗一盒維他奶出嚟「嗱，我今朝唔覺意買多咗一包，呢包……就我請你飲啦！」禮謙邊微笑咁，邊將呢盒維他奶放到天殷面前「唔好唔開心啦，天殷！」
 
面對禮謙如此舉動，除咗天殷之外，連身邊嘅韻喬都覺得嘖嘖稱奇「多……多謝你呀……謙謙！」

而天殷同時塊面都紅哂，所以都食哂帶咁，完全講唔出一句完整嘅說話。
 
不過，當俊軒望向食緊早餐嘅韻喬嘅時候，俊軒就發現有少少唔對路，於是就問韻喬話「係啦小喬呀，你做咩今日塊面上面，會多咗對熊貓眼嘅？乜你尋晚訓得唔好咩？」





韻喬喺食麵包嘅時候聽到俊軒呢個問題，就即刻成個人緊張起嚟，心諗...

“唔得咖唔得咖，一定唔可以畀個衰人知道咗，我係為咗等佢電話，所以先會訓得唔好搞到有熊貓眼咖！”於是韻喬就決定同男朋友講個大話。

「咁因為今日要quiz啊嘛！之前咪已經同你講過，一來我要final revision，二來我地尋日出咗去成日，搞到我個人有少少攰吖嘛。不過呢，明明個人咁攰，都唔知點解都可以訓得唔好，總係覺得奇奇怪怪咁！」

而喺韻喬講完呢句嘅時候，學校嘅上堂鐘就響起，而韻喬嘅”情敵“嘉惠亦都啱啱好返到班房，冇遲到。

不過，因為已經打鐘嘅緣故，所以嘉惠都冇機會，行去俊軒個位度搵俊軒傾計，或者直接向韻喬示威。

雖然嘉惠話就話唔可以直接同韻喬示威，或者同俊軒打招呼。但係喺嘉惠嘅眼神裏面，就睇得出自己非常不滿韻喬呢個窮家女，可以坐喺自己個“男朋友”身邊。

而韻喬都注意到嘉惠嘅不好意，於是都用一塊黑面回敬之。

（待續 ~）





IG link https://instagram.com/bear_big_big_writer 
Threads https://www.threads.net/@bear_big_big_writer