《愛在。貴族學園》: Ch 30 ~ 思念（下） Part 2

Ch 30 ~ 思念（下） Part 2（連載日期：2024/08/22）

而同時間，天殷喺Signal裏面都繼續同韻喬嘅對話……

「5A李天殷：張韻喬！到底你今日發生咩事呀？定喺你受咗咩刺激，所以今日要放頭髮落嚟？          07:04」
「5A李天殷：哦！我知啦！你今日一定係為咗吸引俊軒，所以先放頭髮落嚟！          07:07」
「5A李天殷：甚至其實你想喺班房度，向你個情敵宣示主權！              07:07」韻喬見到天殷呢幾句之後，塊面就已經紅到好似一個蘋果咁，有少少難為情，但又帶點興奮咁。

同時間巴士都已經到站，韻喬就喺巴士上層其中一個位度坐低，然後就回覆天殷嘅Signal訊息……
 




「5A張韻喬：你想點諗就點諗啦下呀李大小姐！        07:09」
「5A張韻喬：不過我同你講呀，你唔準同小軒通風報信呀！如果唔係就……嬲你咖！哼！                07:09」

「5A李天殷：得啦，我就應承你唔會講啦！       07:10」
「5A李天殷：不過呢，我想save低張相呀，唔知張韻喬小姐畀唔畀我咁做呢？       07:10」

「5A張韻喬：好啦好啦，鬼叫我係你好姐妹咩！       07:10」
「5A張韻喬：不過都係啦，唔準send去畀其他人呀！知道未呀！？一陣返到學校見啦          07:11」
 
之後天殷就冇再講嘢。反而突然之間，韻喬嘅電話收到俊軒嘅signal。韻喬見到之後就笑一笑，先再開始睇俊軒嘅message……




 
「5A林俊軒：早晨呀我嘅女朋友！食咗早餐未呀你？         07:10」

「5A張韻喬：早晨呀衰人！我頭先買咗個麵包一陣返到食呀！         07:10」
「5A張韻喬：做咩呀？！男朋友想買早餐畀我，當係賠罪呀？嘿嘿！       07:11」
「5A張韻喬：唔好以為我會唔記得，尋晚你對我做過咩嚟喎！！        07:11」

「5A林俊軒：都有咖，咁你係咪想食男朋友親自買畀你嘅愛心早餐先？           07:12」

「5A張韻喬：都想咖！而且我都好想睇下，到底我男朋友會買咩畀我食！      07:12」





「5A林俊軒：不過，我尋晚真係畀我阿媽搞得太夜，所以先會唔記得搵你咋！我應承你啦小喬，一定唔會有下次！         07:13」

但係韻喬喺見到呢個位之後，選擇扮下已讀不回，等俊軒緊張一下。

果然，俊軒好快就心急起嚟，於是就話……

「5A林俊軒：我尋晚真係冇心咖，原諒我啦好嗎？小喬！       07:13」

「5A張韻喬：唔得喎！你就得一句，都冇啲誠意！哼             07:13」
「5A張韻喬：而且，你尋晚又話有嘢要送畀我，等本小姐睇下你送咩先再考慮原唔原諒你啦！(伸脷emoji)                  07:14」

「5A林俊軒：原來你咁好奇呀！咁你一陣……唔好嚇親喎！            07:14」
「5A林俊軒：不過……我都希望你會鍾意啦(微笑emoji) ！一陣番到學校見啦！     07:15」
 




見到俊軒咁樣講，韻喬心裏面就有一絲期待“嗯……唔好嚇親？到底小軒一陣想送咩畀我呢？佢應該唔會送恐怖箱畀我咁大膽掛？“韻喬佢自己冇再諗太多，只喺趁仲有少少時間，喺巴士上休息一下。

而喺一路上，車上面都有其他學校嘅男學生，都不時偷望韻喬呢邊，因為放咗長頭髮落嚟嘅韻喬，外表實在太過吸引人。

雖然呢班男學生嘅行為，都有令到韻喬感到有少少唔自然。

但至少韻喬都收到令人注意嘅效果，所以韻喬自己估計返到學校之後，都會不停咁畀人望。

（待續 ~）

IG link https://instagram.com/bear_big_big_writer 
Threads https://www.threads.net/@bear_big_big_writer