《愛在。貴族學園》: Ch 29 ~ 思念（上） Part 7

Ch 29 ~ 思念（上） Part 7（連載日期：2024/07/12）

不過時間其實都已經唔早，但俊軒似乎都忘記咗，自己有嘢唔記得做，而且俊軒居然完全冇印象，就係應承韻喬番到屋企之後要打畀對方。

但喺另一邊嘅韻喬，佢仲喺度等緊俊軒嘅電話，點知……

「呢個死人頭林俊軒！又話整完嘢番到屋企就搵我，點解……點解小軒咁耐都仲唔打電話畀我呢？」之後韻喬下意識去睇下個鐘...

「下，原來都已經成12 點咖啦？！我……我都revision咗3次啦！算啦，我都……我都係……去訓先啦！」
 




說罷，韻喬就去埋洗手間，小解之後就將電話叉電，喺signal同天殷講話俊軒冇打電話畀自己，然後再打咗個喊嘅表情符號畀俊軒之後就上床訓覺。

因為韻喬實在等得太攰嘅關係，基本上訓落床兩分鐘就訓着咗。
 
至於俊軒，基本上已經過於沉醉於自己嘅按摩浴當中，一時之間唔記得咗睇時間。

「咦，依家幾點呀？！我好似浸咗好耐咁！」俊軒一邊伸懶腰一邊講，然後慢條斯理着番件睡衣。
 
不過當俊軒拎起部電話嘅時候，就發現大事不妙，因為佢發現韻喬打咗一個喊嘅表情符號過嚟...





「大獲！我居然番到嚟唔記得打番電話畀小喬！依家幾點？」於是俊軒撳一撳部電話，先發現已經係夜晚12點53分。

「Shit！唔知小喬個傻妹有冇等緊我電話呢？我都係拿拿聲打番比佢先！大獲啦今次！」
 
“嘟嘟….嘟嘟…..閣下剛才打嘅電話未有人接聽，請你喺嗶一聲之後留言，然後按#字，或者收線”第一次打去，無人聽。

”嘟嘟…..嘟嘟……閣下…….”打第二次，韻喬都係冇聽電話。
 
於是俊軒就打第三次電話”嘟嘟……嘟嘟……閣下剛才…….”





「唉，睇嚟小喬真係訓咗覺啦！我都係聽日番到學校先搵佢啦！」於是俊軒就喺signal度同韻喬講：
 
「5A林俊軒：小喬，對唔住呀！我頭先番到屋企之後同媽媽傾嘢傾耐咗，傾到唔知時間，所以先至夜咗搵你          00:56」
「5A林俊軒：我知道你應該有嘢要同我講嘅，有咩不如聽日番到學校在講啦！good night and love you        00:56」
「5A林俊軒： ps 聽日有嘢畀你，quiz加油！！！       00:56」
 
喺留言畀韻喬之後，俊軒就由韻喬嘅chatroom出番去contact list，嚇然發現有兩個人搵過自己，一個係天殷，另一個就係嘉惠。

按照住先後順序，俊軒當然先撳入天殷嘅chatroom。
 
「5A李天殷：小軒，你同小喬今日過得開心嗎？        21:20」
「5A李天殷：小軒，你有冇送小喬番屋企呀？         22:35」
「5A李天殷:林俊軒！你到底去咗邊？你係咪追到小喬就唔理人地？做咩返到屋企唔打電話畀小喬呀！？            00:13」
 
俊軒一連見到天殷呢三個訊息，就覺得自己會出事，係一定會出事，而且一出都會係大件事。





咁係因為今次連唔關事嘅天殷都知道，自己唔記得搵韻喬嘅事，俊軒自然就知道，一定係韻喬同天殷講，於是就即刻喺Singal上面同天殷解釋：
 
「5A林俊軒：唔係呀殷殷！我頭先拍完拖有送小喬返屋企咖，不過之後畀我啊媽夾咗去太古廣場買訂婚戒指，同埋講屋企野，所以先搞到咁夜。        00:58」
「5A林俊軒：而且我頭先有打返電話畀小喬咖，不過打咗幾次都冇人聽，我估佢應該訓咗啦。 00:59」
「5A林俊軒：我真係冇追到人就ignore自己個女朋友咖，你唔好誤會呀殷殷         00:59」
 
就當俊軒打完呢幾句嘅時候...

（待續 ~）

IG link https://instagram.com/bear_big_big_writer 
Threads https://www.threads.net/@bear_big_big_writer