《愛在。貴族學園》: Ch 29 ~ 思念（上） Part 6

Ch 29 ~ 思念（上） Part 6（連載日期：2024/06/16）

「小軒呀，媽媽覺得你不如試下同張小姐拍拖嘅時候，用呢張相同張小姐對比下，睇下會唔會有咩綫索？」林太道「但係媽媽都要提醒一下，你暫時唔好同張小姐提起呢件事住，因為大家都仲私下查緊，好多嘢都未搞清楚，免得張小姐有任何懷疑同誤會就唔好啦。」

「但係媽媽都係一句啦，時間已經無多啦，你都應該喺時候將心機，放落同嘉惠小姐嘅訂婚禮上面，仲有……」
 
「其實媽媽，好老實講，如果可以嘅話，我可唔可以唔同嘉惠訂婚？」俊軒一聽到要同嘉惠訂婚嘅事，自然就變得唔開心「媽媽，你真係要知道，我同小喬真係真心相愛呢！」
 
「小軒，你唔好再講啦好嗎？其實以黃uncle嘅性格，基本上大家都知道，成件事都係嘉惠小姐搞出嚟。所以我覺得，如果你仲想同張小姐發展落去嘅話，你呢排就一定要自己執生啦，爸爸媽媽都幫唔到你太出面，知道未？」





林太今次反過嚟打斷俊軒「好啦，夜啦，你就快少少沐浴同溫習啦！」之後林太就離開俊軒睡房。
 
得返自己一個留喺房度嘅俊軒，由於今晚實在發生太多事情嘅關係，基本上成個人都陷入沉思之中。

但同時俊軒腦海都一片空白，完全唔記得自己應承過韻喬，返到屋企要第一時間打電話報到「唉，去沖涼先啦，好煩呀好煩呀！一陣仲要溫書！」
 
於是俊軒就自己喺浴室度放咗一缸熱水，一來都想放鬆一下緊綳嘅神經，二來喺另一方面，其實就係想諗出唔同嘅辦法，去解決身邊三個女人嘅事，包括韻喬、嘉惠同佳澄。

不過，為咗自己唔受外界干擾，所以俊軒今次冇帶電話入去洗手間。
 




「唉，我都唔知可以點推嘉惠好！仲有兩個禮拜就係訂婚禮，我都唔係想同呢個人一齊，都唔知佢個腦喺度諗乜咖！？」俊軒自然自語道...

「雖然我知道，黃氏企業嘅訂單，對於屋企公司好重要，不過，嘉惠同學都唔使逼黃uncle用呢招，去破壞我同小喬吧？」
 
「而且，佢都係一個花癡嚟咋嘛，有幾真心對我，我一睇就知道啦！雖然佢自己係就係有幾分姿色，但係真係唔值得我而去做狐狸精呢！」

「如果，佢搵個第二個男仔做男朋友，或者其實同我做普通朋友嘅話，其實都可以話唔錯咖！」
 
「所以呢，當日，可能我都要用一啲方法去拒絕佢，令佢放棄同我一齊，而保住我同小喬之間嘅感情。」
 




「至於佳澄呢位劉氏千金，雖然佢都係幾靚女，基本上都拍得住小喬同天殷。之但係，因為我地同佳澄小姐唔係同一間學校，所以我對佳澄小姐認識都唔係太多，最多都就係普通朋友嘅關係。」
 
「而且佳澄小姐嘅身世可能成謎，我都係要小心啲處理，暫時唔可以畀小喬知道呢件事住，因為對小喬嚟講，可能會不知所措，甚至會覺得我有外遇都唔出奇。」

「但做親子鑒定嘅話，都唔會太耐有結果，瞞得一時都唔瞞得幾個禮拜……」
 
「至於小喬，我又應承咗佢，要喺陸運會拎到獎牌，而且又係自己一直鍾意嘅人。」

「不過好可惜呀，呢段感情只有兩個禮拜。如果要長長久久嘅話，就一定要喺我同嘉惠嘅訂婚禮之上攤牌，呢個難度系數真係9.9啦！」
 
「而且唔知道如果我真係攤牌嘅話，會對屋企同黃家嘅關係會有咩影響。若果如媽媽所講，黃uncle真係明白事理嘅人嘅話，就應該唔會有影響嘅。就最怕黃uncle真係會抽起公司嘅訂單……」
 
「哎呀，真係好頭痛呀，今次真係手心手背都係肉呀！我諗，我都係要去訂婚禮當日同嘉惠攤牌啦，但做之前點都一定要搵機會，同黃uncle黃auntie交代先。」

「所以聽日一定要同屋企人講，甚至要親自同黃家講咗先。」




 
「就咁決定啦。唔理咁多啦，唉呀舒服下先……」之後俊軒就按下浴缸上面按摩嘅按鍵，然後水就一直幫俊軒按摩肌肉，同時鬆弛一下神經。

不過...

（待續 ~）

IG link https://instagram.com/bear_big_big_writer 
Threads https://www.threads.net/@bear_big_big_writer