《愛在。貴族學園》: Ch 22 ~ 心動 Part 7

Ch 22 ~ 心動 Part 7（連載日期：2023/01/10）

但係，韻喬呢個時侯，就將花灑嘅水力加大，睇落原因都係一直對韻喬緊緊控制嘅理智想，想壓制住情感嘅不停發酵，試圖令韻喬對渴望愛情嘅感覺降溫。

但抑壓得太耐嘅情感，情感爆發威力實在太大，仲激發起韻喬喺生理上嘅欲望。
 
喺自我發泄過後，韻喬咬住櫻唇，望向鏡中嘅自己，仲一面滿足咁欣賞自己優美嘅體態。但之後韻喬都先用凍水洗個面，去冷卻番頭先激烈爆發嘅情感。

而喺着番衫之後，韻喬就出去吹頭，再返入房溫習一陣就熄燈訓教。
 




至於點解冇講食藥，係因為韻喬嘅出院藥已經食完，而韻喬都已經完全好番哂。
 
訓咗落床之後，韻喬再一次開始認真諗，到底自己係咪鍾意咗俊軒。

韻喬自己依然覺得今日喺圖書館，對俊軒觸電嘅感覺，絕對唔會比喺上星期五嘅party度，畀嘉惠刺激完之後來得少。
 
但自己覺得，星期五之所以會突然之間錫俊軒，咁係當日因為被人刺激，而唔係兩個人正常嘅獨處，所以自己先會有如此反常行為，從而否定自己喺潛意識上，已經鍾意咗俊軒嘅可能性。
 
而且重點係，韻喬自己依然覺得，俊軒之前個record實在太花，變咗韻喬覺得需要再多少少時間去觀察俊軒。





不過今日因為實在太攰嘅關係，韻喬喺未諗到答案之前就已經訓着咗。

但係人算永遠都不如天算，潛意識嘅存在，往往都會令人有出人意表嘅舉動。就喺大約凌晨3點幾，熟睡中嘅韻喬突然之間發起夢嚟。

而喺韻喬嘅夢境入面，佢所見到嘅，就係得返自己同俊軒兩個人，單獨喺Form 5A班房裏面……
 
（俊軒用好誠懇嘅語氣上前問「小喬，到底你……係咪鍾意咗我呀？」

韻喬聽到之後大吃一驚，仲即刻斷然否認「我……我…..冇呀，我點會無啦啦鍾意你呀！你傻咗呀？！」而熟睡緊嘅韻喬就開始滿頭大汗，因為為夢裏面面對俊軒嘅時候，令現實嘅自己再度全身灼熱起嚟。





夢中嘅俊軒見到韻喬咁緊張之後，就先係笑笑口，然後輕輕咁抱抱韻喬咁話「小喬呀，你就唔好怕醜，趁依家得我地就認咗佢啦！而且我林俊軒都知道我嘅英俊、瀟灑、聰明同溫柔，可以令到張韻喬你為我而奉獻一切咖呢！」
 
「唔係咁…..唔係咁咖……我地只係…」但係俊軒就突然喺呢個時候上前，主動親吻韻喬嘅嘴唇。夢裏面嘅韻喬先係瞪到對眼好大，但係好快喺俊軒嘅帶領之下，韻喬都變的享受起嚟，而且仲開始反攻俊軒。

但係喺同俊軒放開口之後，韻喬就向俊軒大叫「林俊軒！你做咩喺度錫我呀！」）

不過，韻喬呢一叫，居然大聲到將自己嚇醒咗，成個人彈咗起身「呀！我究竟喺度做緊咩呀？！」而且韻喬都發現自己已經滿頭大汗，然後望下電話個鐘「下，依家先三點幾？」

因為頭先嘅夢境實在太過真實嘅緣故，同埋都似曾相識，所以韻喬就喺度自言自語...

「唔會咖！冇……冇可能咖！點解我依家……連發夢都會發到係佢咖！唔通……唔通…我真係好似佢地所講咁，我真係鍾意咗林俊軒佢？！」
 
但好快，韻喬為咗令自己，唔會再發呢啲奇奇怪怪嘅夢，於是就話「唔得！張韻喬你一定要冷靜！要冷靜……冷靜！」

喺韻喬講嘅同時，佢都拍一拍自己塊面等自己清醒返，然後就出去洗手間洗個面，再去厨房飲咗杯水，先至再番房繼續訓，直到第二日為止。





（Ch 22 心動 ~ 完）

IG link https://instagram.com/bear_big_big_writer