《愛在。貴族學園》: Ch 15 ~ 告白 Part 1

Ch 15 ~ 告白 Part 1（連載日期：2022/04/04）

經過一晚嘅休息，以及有護士嘅照顧之下，喺醫院留醫嘅韻喬，相對已經畀之前一日，已經冇咁辛苦。

不過因為自己訓唔慣醫院嘅床，加上自己隻手仲要吊鹽水，引致左手有強烈感覺嘅關係，所以韻喬其實成晚都唔係訓得好好，喺醫生巡房嘅時候都仲係成個呆下呆下咁。

至於喺學校嗰邊，俊軒、禮謙同天殷三個，都決定暫時唔主動將韻喬嘅情況公開，直到班主任Ms張，或者同學主動問起先會透露。

但係，5A嘅同學喺打鐘之前，好多都係喺個位度趕功課，或者喺度做自己嘢。





不過，始終都係紙包唔住火，當去到打鐘嘅時候，就有同學留意到韻喬個位連續第二日空出，班上嘅同學都即刻議論紛紛，大家都好想知道呢位全級第一嘅優等生，點解會連續兩日唔返學。
 
「早晨呀，天殷同學」「早晨呀文曦，做咩呀？」就坐喺前面嘅方文曦同學，首先向天殷提出自己嘅疑問

「我想問呢，你知唔知張韻喬同學到底做咩事呀？點解佢會連續兩日冇返學嘅？」

「佢係咪因為腳痛呀？」坐喺附近、另一個同學郭曉峰問「我記得早兩日嘅時候，韻喬同學隻左腳有整親咖喎，而且個樣仲好辛苦咁。可能韻喬真係因為咁請假啦」
 
附近其他同學都等緊天殷答。天殷抖一啖大氣就話「唔係因為腳痛呀，小喬同學係因為發高燒，尋日下晝入咗醫院……」





「然後喺經過檢查之後，韻喬同學被確診急性肺炎，所以要留院治療啦」禮謙喺自己個位上面，接住天殷嘅説話，而天殷於是又開始面紅。
 
「下！原來係肺炎咁嚴重呀，我仲估係因為腳受傷所以缺席咋！」文曦非常驚奇咁講

「啊，真係有少少出乎我預期之外嘅嚴重。希望佢可以快啲好返，然後再返嚟學校carry下我地啲quiz」曉峰道。

但係，曉峰呢句説話，就引起俊軒嘅不滿，所以好不屑咁講「好心你地啦，一日到黑都掛住要人地carry 測驗，明知人地病緊都仲要咁，你地真係不如自己抽多啲時間，溫好啲書好過啦」。
 
俊軒嘅呢一句，大家都以為冇咩嘢。但喺明眼人心目中，就知道俊軒想透過呢一句去保護自己心裏面鍾意嘅人。喺俊軒講完呢句，班主任Ms張返到班房點名。





「Good Morning Ms Cheung」「Good Morning Class，我想問大家，今日有冇同學absent？」Ms張同尋日一樣，又係一邊開電腦一邊同大家點名。

聽到Ms張嘅説話，天殷好快就舉起自己隻手「Ms張，張韻喬同學今日absent，但係佢要再請多幾日病假先至會再返學……」

「明白，咁天殷，我想問下你知唔知張韻喬同學，到底係因為咩事而要連續absent多幾日呢？」Ms張疑惑至於都帶點緊張，畢竟都要同學校交待。
 
「韻喬同學佢尋日因為持續咁發高燒所以請假，不過因為佢嘅父母，近日因為公幹咗離開香港，所以喺尋日放學之後，就畀我、林俊軒同程禮謙同學送咗入醫院，睇下到底發生咩事」天殷再次道出原因。

「而韻喬喺經過醫院檢查之後，就被醫生診斷係肺炎，所以要留院醫病，暫時都未知道張韻喬同學幾時可以出院……」

「另外Ms張，呢度係韻喬同學尋日請假嗰張醫生紙，佢尋日托我交咗返嚟畀學校先，之後就一次過出院先至交」同時天殷就行出老師檯將醫生紙交畀Ms張，Ms張睇過之後就話「唔該你呀，李天殷同學」
 
「哦，原來張韻喬同學肺炎呀，佢又會真係天氣轉涼都咁唔小心都有嘅。李天殷同學，咁請問張韻喬同學嘅父母，知道佢地個女入咗醫院嘅事未？」

「已經知道咖啦Ms張，而且我地幾個，都係有韻喬同學父母同意之後，我地先送佢去醫院」天殷回答道。





「好，咁我就唔特別通知張韻喬同學嘅家長啦，畢竟佢地依家都喺外地公幹。咁李天殷同學、方文曦同學，你地幾個就幫張韻喬同學，準備呢幾日嘅功課同notes，同埋都順便幫Ms張照顧同問候一下佢。」
 
「知道，多謝Ms張有心。不過韻喬同學嘅notes同功課方面，我地幾個都已經決定會由林俊軒同學負責處理。」

「因為同張韻喬同學相比，佢地兩個成績差唔多，而且咁樣安排嘅話，韻喬同學會比較容易跟上進度，畢竟大家都知道韻喬同學佢好重視自己嘅成績。」天殷答道。
 
「果然大家都開始大個啦，識得處理咁多嘢…」「多謝Ms張」Ms張非常滿意咁稱讚道。

「啊，班會主席呀，不如我地全班都寫張心意卡，送畀張韻喬同學，祝佢早日康復出院好冇？喺班會費度出數」 
 
「冇問題呀Ms張。咁張卡一陣lunchtime嘅時候，我就同天殷同學佢地一齊出去買，然後上下晝堂嗰陣pass畀全班寫？」班會主席趙建龍道。

「Good idea。一於就咁決定啦。不過記得依家秋天，大家都要着夠衫返學，如果唔係凍親嘅話就麻煩啦。咁如果冇咩特別嘅話，大家繼續上堂」





（待續 ~）

IG link https://instagram.com/bear_big_big_writer