《愛在。貴族學園》: Ch 8 ~ 逃過一劫的吻 Part 9

Ch 8 ~ 逃過一劫的吻 Part 9（連載日期：2021/11/28）

（雙平台5萬點擊次加更，多謝大家持續支持）

喺大家都食完飯之後，工人就送上飯後甜品—楊枝甘露。俊軒都不忘向韻喬佢地介紹一下

「呢個楊枝甘露，其實係我地屋企厨師整嘅，你地都快啲試下到底好唔好食啦！」「嗯嗯！」

韻喬於是就將一啖楊枝甘露放入口，喺慢慢品嘗之後，俊軒就好緊張咁望住韻喬，然後問「好唔好食呀，小喬？」





韻喬試過一口之後就話「好食呀，好香芒果味，而且都好多果肉，但係又唔會太甜！」

「我都覺得係呀小喬！」天殷和應韻喬嘅睇法「你地屋企嘅厨師真係好勁呢！搞不好如果出去賣楊枝甘露嘅話，可能都會搵到唔少錢哈哈」

林太聽到之後，都忍唔住笑一笑「或者我同爸爸都可以考慮下，哈哈！」

飯後甜品過後，俊軒就帶住韻喬、天殷同禮謙返返去大廳。其實本來，俊軒都有諗過，應該要帶韻喬參觀自己間房。

不過俊軒最後都冇做到，畢竟佢同韻喬都唔係真係正式嘅情侶。





而第二個原因，俊軒都避免發生啲唔愉快嘅事情，免得自己同韻喬以後真係會喺學校面阻阻，所以都決定放棄。

喺大廳裏面，林生都同韻喬有比較深入嘅了解，包括韻喬嘅家庭背景等等。

當然，當佢地知道韻喬一路咁辛苦走黎嘅時候，都稱讚韻喬嘅諗法都好成熟、大方得體。

而被稱讚嘅韻喬，自然都對兩位表示今晚嘅安排表示感謝。

去到咁上下時間，俊軒見時間都已經唔早（因為韻喬要返去李家大宅），所以就話同韻喬佢地幾個，準備離開林家大宅





「拜拜啦林uncle林auntie！」三人道「今晚真係多謝你地嘅招呼啦=)」。

「唔洗客氣啦幾位，都係一餐半餐家常便飯啫…」林太非常客氣咁回應「而且大家都係熟人，得閒都可以上黎陪下小軒佢食飯咖」。

不過，一直觀察俊軒同韻喬互動嘅林太，注意到俊軒全程都好少拖住韻喬，懷疑佢地兩個人喺度講大話。

於是決定喺佢地離開之前，出殺手鐧睇下俊軒點樣應對。
 
「張小姐！」林太喺佢地準備上車之前，叫停咗韻喬「係！林Aunite？請問…仲有咩事？」韻喬非常親切咁回應。

不過此刻韻喬嘅心跳都明顯變得好快，而俊軒都戰戰兢兢咁，擰轉身面對自己媽媽「媽，做咩事？」

林太抖一大啖氣之後，就好嚴肅咁同俊軒、韻喬講「小軒、小喬，媽媽我就唔怕坦白同你地兩位講......」

「其實喺由張小姐你上我地車嘅一刻，直到今晚你地準備離開林家嘅時間，我地都一直喺度觀察緊，你同我地小軒之間嘅互動」





「不過，喺經過我同司機，仲有管家嘅共同觀察之後，我到依家都真係睇唔出，張小姐你同小軒嘅表現，係屬於一對情侶應有嘅表現」
 
俊軒、韻喬、天殷同禮謙佢地幾個聽完之後，感到非常愕然，而且各人嘅心臟都跳得好快，同時面色都變得恐懼。

因為佢地幾個都覺得，今日佢地嘅佈置已經相當嚴密，正常人係唔會咁容易識穿有人喺度講緊大話。

但係，佢地幾個為咗避免去到埋門一腳，先至黎宣佈整個行動以失敗告終。

於是都收起恐懼嘅面孔，然後強作鎮定咁面對林太嘅質疑。

「下？！點……點解咁講？」俊軒同韻喬同時叫出聲，而且今次嘅默契其實都表現得唔錯。

而林太都繼續用一個霸道女王嘅口吻，同眼前嘅年輕人回話





「因為我地發現，張小姐你好似好抗拒同我地小軒，做一啲情侶好經常做嘅行為」

（待續 ~）

IG link https://instagram.com/bear_big_big_writer

注：原定今晚嘅正常更新，將會順延一日到星期一更新，敬請留意