《愛在。貴族學園》: Ch 4 ~ 遲到 Part 4

Ch 4 ~ 遲到 Part 4（連載日期：2021/09/24）

(繼續林俊軒視角）

唔通天殷佢……鍾意禮謙？但係我地兩家咁熟，我冇理由唔知咖喎？都係搵機會套下佢口風先！

不過，可能因為我頭先遲到而激親Ms張嘅關係，呢堂大家都異常安靜，直到落堂嘅一刻，大家都冇點出過聲，好不容易大家先可以挨到小息。

喺小息嗰陣，禮謙就直接喺個位上面問我「喂，學霸！你今日做咩遲到啊？係你屋企部車壞咗，定係塞車，定司機罷工啊？」





「唉，你仲好講啊程生，咪又係嗰個叫張韻喬嘅人累咖囉……」一面灰嘅我直接回應道。

「咩話？！張……」禮謙突然間好大聲講出個張字，大聲到嚇親其他同學，於是好多人都望住我地，搞到要同人地講唔好意思。
 
「喂，你細聲啲使死咖？！阿程禮謙同學？-,-」我即刻鬧鬼程禮謙。
 
「對唔住啊大佬」佢再一次道歉「不過，今朝都係你自己遲到啫，咁點解會無啦啦關張韻喬佢事先得咖？我唔係好明喎師傅！解釋解釋！」
 
「喂你個八公你真係想知？」我反問禮謙，佢居然立刻點頭，真係為咗八卦而去到咁盡就真係第一次「如果唔想知嘅話，我都唔會有機會就即刻問你啦？」





「頂你」於是我就諗一諗「講出黎都得，不過你可唔可以應承我，唔好將呢件事講出去？同埋，喺我講之前，我都有啲嘢想問下你。」

因為禮謙都想我爆料嘅關係，禮謙都即刻應承我，正一八公「有咩問題呀？你講我聽啦」

「都係唔好啦，我地都係出去走廊先講啦！」不過因為我覺得喺班房裏面講，可能會畀其他人聽到，所以都係出去一個少人嘅地方講好少少「好好好！」
 
禮謙於是就跟咗我出去，去到一個冇咩人經過嘅樓梯口，禮謙就開口話「林公子，呢度夠少人啦掛，快啲問啦！」

「我想問呀，你有冇將我收集哂全級女同學電話嘅事，同咗張韻喬同埋李天殷講呀？」我直接問禮謙。





不過，禮謙就用一個好奇怪嘅眼神望返住我「下我冇喎！你做咩無啦啦咁問我啊？唔通，張韻喬同學已經知道咗呢件事？」禮謙一直嘅誠懇態度，令我可以放心同死黨繼續講埋落去。
 
「我自己覺得係」我回應道，同時將我嘅諗法講出「喺頭先上Ms張堂嗰陣，我聽到張韻喬同方文曦同學講，話我係因為尋晚同其他女仔講電話，又或者喺度stalk女女IG ，stalk到唔知時候然後今朝唔知醒，所以遲到喎」
 
「喂咁到底真定假先？」

禮謙居然開始質疑我囉，咩料呀依家？「你知你咖啦，誇張到全級女仔電話都有喎！畀張韻喬同學向咁嘅方向諗你都好正常啫」
 
「作死你啊！點會係真咖！？我邊度有咁誇張呀？」我好緊張咁抗議道

「咁今朝點解你會遲到先？我真係想知道原因，然後再試下同你分析下成件事，到底會係點」禮謙回應我，但我當然都唔係話太放心，於是我都要求禮謙唔好講出去。

「得啦，我知道點做啦」於是我就將尋日放學嗰陣，畀張韻喬撞到啲書跌哂一事講起，再講到尋晚發夢引致今朝遲到嘅事。
 
「哦，原來你掛住人啦即係！你係咪真係鍾意佢先？」





「但係，你地兩個擺到明係兩個唔同世界嘅人黎咖喎，所以你真係鍾意張韻喬？而且唔介意佢嘅身份地位？」禮謙聽完之後，露出一個八卦樣，再就咁講左呢一句conclude。
 
「冇啦，反正其實我都唔急於一時要到佢嘅電話號碼，所以咪覺得有啲奇怪囉。」我於是答返禮謙。

「唏！你自己口裏説不啫，不過你身體卻很誠實喎老友！」

「如果你真係鍾意我地嘅平民女神嘅話，你就趁呢度人少少就同我認咗佢啦，放心啦，我一定唔會笑你喎！」禮謙一臉猥瑣樣望住我。
 
「你都癡線嘅！我同佢都冇咩交情，邊…邊有可能會鍾意佢啫？」

「而且你自己頭先都講咗啦，我同佢根本就係兩個世界嘅人黎，點會咁容易令我地都鍾意對方呢？」真正嘅死黨就係咁，無論係有事定冇事嘅時候，佢都要串到你一棟都冇。

「咁，如果你自己唔係對佢有意思嘅話，點解你嘅潛意識會令你，發到一個同張韻喬有關嘅夢吖？你解唔解答到原因呀？解唔到呀嘛？啫係林公子你鍾意張韻喬囉」「頂你！」





（待續 ~）

IG link https://instagram.com/bear_big_big_writer