《妖具》-我無啦啦做左個道士，仲要係全香港最大粒果個 ! ?: 《十道11》

「其他野唔講住﹐行仔其實今次黎係想同你講一件好重要嘅事。」

「阿泳要跟我過韓國一年﹐協會同小藍就交比你啦。」

「一年 ? 」我有些不敢相信。

「就係因為一年咁耐﹐所以先要問下你依個男...朋...友...仔。」周婆婆不知是不是故意的﹐特意把男朋友仔四字放慢來說。

「咩男朋友...係男性朋友。」阿泳連忙否認﹐但瞬間整塊臉都通紅了﹐再一次偷偷望了我一眼。





「唉你地年青人嘅野我明嘅...明嘅...」

「都話唔係囉 ! 」

「但係韓國出現左好多大型事件﹐我地必須要去一趟調查一下。」

「既然係咁重要﹐你要答應我平安番黎。」我走上前摸了摸阿泳的頭﹐阿泳瞬間內心小鹿亂撞﹐一時不知如何反應。

「嗯 ! 」阿泳向我點點頭﹐承諾會平安。





「放心~有我係度﹐一定唔會出事。唔洗咁擔心喎﹐我會保護你女朋友仔。」周婆婆對自己十分有信心。

「周婆婆都話唔係囉﹐走啦~走啦。」阿泳立刻便推周婆婆出會長室。

「唔係咩...」但周婆婆話都未說完﹐便推出會長室。

「蠢材﹐明明講一句就可以留住我﹐點解....」阿泳離開後自言自語﹐默默在眼角流下一滴不捨的眼淚。