《妖具》-我無啦啦做左個道士，仲要係全香港最大粒果個 ! ?: 《十道12》

「陳行聰 ! ! ! 」在我身後傳出一把低沉聲音﹐整個房間突然殺氣瀰漫﹐我的內心開始不寒而慄。

「男朋友仔吓哇 ! 」一隻手出現在我的肩膊之上。

「你叻啦﹐點解提都冇同我提過嘅師父。」

「唔係應該係人地「男」朋友...」小藍特別強調「男」字。

「唔係你諗咁嫁﹐小藍冷靜啲聽我解釋....」我試圖令小藍冷靜下來。





「唔洗同我解釋喎﹐人地男朋友。」

「唔係咁嫁﹐我當佢係妹妹。」

「我唔理你當佢係咩﹐聽日同樣時間同我番黎上堂。係咁再見 ! 」小藍伸出舌頭對我做了一個鬼臉，便直接離開了房間。

經歷了那麼多﹐我只是攤坐在沙發之上﹐看著天花板，回憶著這數天發生的每一件事。

與此同時，在一個神秘的地方，有一個身穿白袍的人坐在辦公桌前，面向著牆，牆上有一個大大的圖案，是一個五芒星外面由一個圓形包著所組成的標誌。





「報！我地已經捉到瑪門。」一個被着著純黑袍的男人向一名神秘人報告，袍上左胸位置有一個白色的數字23。

「我地應該點樣處置佢！殺？」那男子單膝跪地。

「23號你依加教我做野？」神秘人轉過來，臉上帶著一個面具。

「係我多口，請教主賜罰。」

神秘人慢慢走到23號的身旁，輕輕一揮衣袖，23號我左手應聲落下。





承受劇痛的23號，瞬間滿頭冷汗，但卻一聲不發。

「同我帶瑪門過黎。」

「係…教主！」23號便走出房間外。

「哈哈～瑪門你真係帶比我好大驚喜。」神秘人在空無一人的房間放聲大笑。