《妖具》-我無啦啦做左個道士，仲要係全香港最大粒果個 ! ?: 《十道10》

「唐僧唔係大家係故事入面所睇到嘅咁孱弱。」

「佢係三件妖具的持有人﹐同別係孫悟空、豬悟能、沙悟淨嘅妖具。」

「就係因為佢手中嘅三件妖具﹐所以佢嘅法號叫三藏。」

「佢當年就憑著呢三件妖具﹐一路西行降魔服妖﹐最後取得真經﹐而佢嘅其中一件妖具降妖寶杖﹐就係寶蓮寺鎮寺之寶。」

「所以三團氣亦都代表左你的實力注定係最頂級嘅人。」





「如果係五團氣呢....」我想從周婆婆口中﹐更加了解自己。

「五團氣...我諗全世界都應該冇咁嘅人。」

「哈哈~如果有可能都要追溯到三皇五帝又或者係上帝。」周婆婆對這問題只是一笑置之﹐根本從來沒有相信會有這樣的人出現。

「阿泳你之後的修為可能好快會超越金丹期嘅長空﹐成為全港第二個金丹期嘅人。」周婆婆深相阿泳必成大器。

「金丹期 ? 係咪修仙小說嗰啲?」阿泳平日都看不少小說﹐對修仙小說也看過不少。





「修為一般分為練氣、築基、金丹、元嬰、大乘、最後就係化神。」小藍向我們解釋修為分了多少個階段。

「不過依加全世界嘅靈氣都極少﹐元嬰、大乘等等嘅境界都只係存在係一啲古書入面。就算係驅魔公會嘅十道都只係築基後期。」

「咁咪即係可以長生不老﹐長相廝守...」阿泳此時偷偷望了我一眼﹐但我並沒有留意到。

「長生不老 ? 哈哈~你睇下我臉上嘅皺紋。」周婆婆指向自己的臉。

「修為只能夠令你對抗更強嘅敵人﹐用黎保護自己同家人朋友。」