職場食女日記: 目露凶光
上回講到，我同Amy終於回復甜蜜溫馨，我發夢都估唔到，事情竟然可以咁峰迴路轉，好似電視劇劇情咁，不過無論如何，我真係好開心，Amy仲約我星期六去酒店，真係好想快啲到星期六啊！
我食完Amy親手整嘅三文治早餐，洗埋個盒偷偷地比返Amy
「唔該老公~嘻嘻~」
Amy坐喺度，對黑絲大脾夾實坐，真係好誘惑，真係好想睇吓入面，真係希望有機會可以玩吓黑絲（從未玩過）
「喂~~~你對眼望緊邊度呀？」Amy陰陰咀笑
「望緊你對黑絲」
「𠵱！咸濕佬！星期六咪比你望到夠囉~」
「真係？」
「係喇~~應承你啊！快啲返埋位啦！好快有人返嚟架喇！」
呢個時侯，我同Amy都冇留意到，我哋比一對不友善嘅眼神望住…
好快到10點，公司越嚟越多人，Barry都返到
「喂！兄弟~早晨喎！咁早嘅今日？」 一慣嘅風騷笑容
「喂！早晨！早啲返嚟食埋早餐之嘛！」
「𠵱？今日心情好似唔錯咁喎？！」
「係咩？咁你都睇得出？」
「同你琴日個死樣咁大分別！講！係咪有好事發生？！」
「一陣先傾，做嘢先！」
「跳！懶神秘！」
一路做嘢去到11點左右，有人叫我
「阿….俊！」係Amy個30歲肥仔team leader，佢叫Robert
「係！Robert哥搵我？」我企起身
「係呀！你入一入我房先，有啲嘢搵你！」
「吓？哦！」
我望一望Amy，Amy雖然傾緊電話，但都聽到Robert叫我，佢個樣都有啲驚嚇，我慢慢行入Robert間房，因為公司房間數量有限，team又多，所以老總安排咗兩三個leader共用一間房
我入到去，Robert就跟住入嚟，閂埋房門
「俊！坐呀！」
我坐低，佢都坐底，扮晒㩒電腦咁
「點呀？返工慣唔慣呀？」
我知道佢唔係想講呢啲，我心諗，你不如入正題啦，最撚憎啲轉彎抹角嘅人
「嗯嗯..都慣嘅，工作基本上晒手，同啲同事相處都開心..」
「喔喔..冇…其實搵你係想傾吓關於你同Amy嘅嘢」
吓？！我同Amy？！唔通我哋嘅嘢比人知道咗？！
「err….係關於邊方面？」
「我見你同Amy近排都行得幾埋喎」
「err….係咩？都係正常同事交流姐…」我扮笑
「hmm….我睇得出唔止係咁囉」佢突然目露凶光
佢個樣話比我聽，佢立場唔係在公，係在私，唔通佢都對Amy有興趣？你食屎啦，攞盤水照下自己個樣先啦，又肥又樣衰又口臭，Amy點會對你有興趣？返屋企打飛機啦！死柒頭！
「咁係你覺得姐，你唔信有乜辦法？」我開始反駁
「ok~~~你唔認我當然冇辦法啦！不過我希望你哋嘅私事唔好影響到工作囉，Ok？」
「我同佢冇私事喎」我黑撚晒面
「咁就最好啦！你可以出返去先」個笑容假撚到佢
我開門出返去，大力閂房門，坐喺房門附近十幾個同事望晒過嚟，包括Amy
我黑住面坐返埋位，Barry即刻細細聲問我
「喂！無啦啦叫你入房咩事啊？好似好大鑊咁嘅？」
「一陣先傾」
「叮叮！」我電話訊息聲響起，係Amy
-老公😟？咩事啊？
-冇事，收工先同你講，乖啦！做嘢先😗
-🥺🥺🥺知道
條撚樣隔咗一陣就開門出返嚟，又係全部人望住佢，chok吓喉嚨，揄吓條褲，扮睇唔到其他人望佢，行返去自己位，非常面目可憎
到lunch time，我叫Barry同我食飯，想問下佢對件事有咩睇法，我同佢講晒成件事，我同Amy變返好，同埋條撚樣講嘅嘢
「嘩…咁撚爆？」barry都有啲唐突
「條粉皮擺到明就冧Amy啦！根本佢就想公報私仇！」
「就咁聽都有啲似嘅….我早你3個月入嚟，其實果陣我都睇得出Robert對Amy係有嘢嘅，佢對Amy又特別好」
「我係唔會比佢得逞！食屎啦佢！」
「咁除咗我之外，仲有冇其他人知你同Amy啲嘢呢？」
「冇啦！得你知之嘛！」
「咁佢可能以經知道你同Amy私下有見面，以後小心啲囉！」
「我先唔怕！見到咪見到，見到仲好！比佢妒忌吓！」
我哋食完飯，返公司樓下後巷煲埋支煙，就返上去，入到公司我望到條撚樣喺房同人傾緊計，入面係個女仔嚟…
？！？
係Amy？！搞咩呢？唔通喺我度問唔到嘢，想向Amy迫供？？DLLM！做男人做到你咁都算仆街㗎喇！對付唔到我就對付個女人？？我越嚟越睇佢唔起！！
冇耐，Amy就起身開門出返嚟，見到佢眼紅紅，掩住口鼻，急步行去厠所方向，條撚樣跟住尾行出嚟，之後佢企喺房門到，用一個仆街到冇得再仆街嘅眼神，同好似勝利者嘅微笑，望住我
呢一刻，我真係好想衝過去濕佢一鑊！！！DKLM！！你咁樣就覺得贏咗呢咩？你咁樣就以為我會怕咗你？Amy係我嘅！冇人可以喺我手上搶走佢！！
你即管睇吓！邊個笑到最後！
我好擔心Amy，好想衝去搵佢，但又唔得，唔可以比佢知道我同Amy有嘢！究竟條撚樣同Amy講咗啲乜呢？可以搞到平時返工成熟嘅Amy喊？我個心好痛！因為我而令到Amy比條仆街恰，唔得！收工一完要好好氹返佢！
「嘩…呢個Robert，搞到咁串，你自己小心啲啦」barry都見到成個過程，喺我隔離細細聲講
我即刻whatsapp Amy
-老婆？你喺邊啊🥺
-老公😭我喺厠所😭😭
-你做咩事喊啊😫？係咪個死肥佬蝦你啊？
-佢話咗我幾句，叫我專心工作，唔好同啲無謂人接觸咁多😢
DLLM，話我係無謂人？
-仲同我講你有女朋友，唔好痴埋你度，驚我比人玩🥺
-老婆唔好唔開心啦😣老公今晚氹返你啦！好冇？
-我冇乜嘢㗎喇！老公做嘢先啦，唔好影響工作，今晚再傾啦😌
-好😘😘
-😘😘
話咁快就到下午4點，通常去呢個時間，公司嘅工作會冇咁繁忙，有啲team會入房開會，如果有人見工，多數都係安排4點之後，我當初都係4點嚟見工
忙完啲手尾，大慨4點半，Barry撩我去食煙，我哋就起身行出𨋢口
「喂！聽講E team一陣有人嚟見工喎」Barry同我講
我哋有8條team，係用英文嚟分team名，我同barry係C team，而Amy係D team
「哦？係咩？」我㩒𨋢
「收到風好似話幾靚女，都有啲期待」
叮！
有𨋢到，𨋢門一開，我同Barry都定咗喺度
亞麻棕色空氣瀏海曲尾髮型，腰果眼，個樣好似簡x儀！桃紅色唇膏，黑色西裝褸加短裙，白色恤衫，件恤衫仲要有少少透，入面明顯係黑色bar，心口兩團肉好似都有啲料到，不過有西裝褸包住，唔係太清楚cup數，冇着絲襪，係纖瘦型，加埋高踭鞋，顯得對腳好長，身高應該165左右，高過Amy少少，都真係幾靚女
因為我同Barry定咗格，塞住咗𨋢口
「唔該借借~~」笑笑口，把聲好淫！
我哋左右靠開，靚女喺我同Barry中間穿過，我哋都不約而同擰轉頭望
雖然偏瘦身型，但都係囉柚都幾翹，加埋對長腳，又係可以玩後入….
Shit！陳梓俊！你唔好再嚟喇吓！
「嘩…好撚香啊佢…」Barry瞇埋眼索佢陣味
佢陣味同Amy唔同，Amy係少女清純香味，佢就係挑𢭃花香味
入𨋢㩒制閂門
「又真係幾靚嘅~」我忍唔住講
「做咩呀？有Amy仲唔夠牙？公司啲就嚟比你食晒喇！」
「食llm！」
我開頭對住Amy就真係諗住食吓就算，但而家當然唔係啦！我對Amy係好認真，雖然唔知我哋可以維繫幾耐，但我一定會盡自己能力去愛佢，保護佢！
—待續—