職場食女日記: 完全信任

上回講到，Amy個濕尻team leader Robert，運用自己leader權力的我入房，想chok出我同Amy嘅關係，我當然冇中伏…之後條撚樣竟然向Amy埋手，喺Amy面前中傷我不突止，仲搞到Amy喊！另一方面，公司有新女嚟見工，好靚女，腰果淫眼，高高瘦瘦，前凸後翹，加埋佢條西裝短裙，玫瑰味香水，似係想吊金龜多過返工…

我同Barry食完支煙，就上返公司，靚女仲喺房見緊工，見到好多男同事都眼金金，竊竊私語

我冇理，我個心只有Amy，我係唔會比其他嘢誘惑到嘅！如果可以快啲到星期六就好喇！

隔咗一陣，同靚女見工個E team leader(Micheal)同靚女都企起身，Micheal指住我哋team口噏噏，靚女就望住我哋係咁點頭，之後又坐返低，究竟咩事呢？？

冇耐，佢哋都一齊起身，靚女就半鞠躬，之後Micheal就行去開門一齊行出嚟



「係~咁唔該晒你吖~~」靚女對住Micheal笑住鞠躬

鞠躬果陣，個囉柚翹起，加埋雪白大腿，睇到我心養養…

「唔洗~咁聽日見啦！準時返工呀！」

「嗯！聽日見~~」

嗯？！靚女聽日返工？！咁快？！



靚女向出口行去，會經過我哋枱，當接近我哋枱嘅時候，靚女見到我同Barry，可能喺𨋢口撞過我哋，認得我同Barry，望住我哋笑一笑，點一點頭，對腰果淫眼矇一矇，OMG！想殺死人咩！

「喂！佢望住我笑呀！哈哈哈！」Barry又自high

「你晒氣啦！佢望住我呀！」

「你有Amy㗎喇…今次唔好同我爭呀！反面㗎！」

Barry本身都有女朋友，佢同女朋友好穩定，都係得把口



「叮！叮！」我電話響起訊息聲

係Amy？！

-😡

-😦？咩事啊老婆？！

-我見到你𥄫女😡😡

-吓？😰我冇啊

-我見到你望住個女仔個屁股😡😡😡

-😩😩😩我冇啊！冤枉啊老婆大人！



-哼！！！憎死你！！！👿

-😭😭😭我真係冇啊！！我有個咁正嘅老婆！仲點會𥄫其他女仔呢？

-如果聽日你比我見到你再𥄫人呢…我以後唔理你😡！！

-我知喇！老婆！😘😘我只會𥄫老婆，你比唔比我𥄫啊？

-𥄫你個頭啊😒做嘢啦！

-Yes Madam！😎

之後Micheal走埋嚟搵Jason(我哋Leader)，叫咗佢入房，到底咩事呢？？頭先又指住我哋，而家又搵Jason傾嘢



6點9，手頭上嘅嘢都做晒，hea住等收工，Jason突然起身講

「同事們，我哋入一入會議室先，開埋個會就收工！」

我哋成team人好快就入晒房，因為大家都想快啲收工！坐底晒，Jason就企主席位

「冇乜特別嘢嘅，相信大家都見到，今日有新人嚟見工啦……原本呢，新人係E team請返嚟嘅，但Micheal同我講，佢話E team人滿咗，位置都唔夠坐….佢見我哋C Team仲有位，所以就拜托咗我，叫我哋照顧住新人先…」

？！holy shxx，搞啲咁嘅嘢？！

Barry用非常賤嘅眼神望住我笑，隻手喺枱底拍咗我大脾一吓…

「咁我都決定咗由邊位同事聽日開始負責帶吓新人嘅…」

Barry隻手揸撚實我大脾，我推撚走佢



唔會嘅！點會係我呢？條team咁多人！點會輪到我？千祈唔好啊！千祈唔好係我啊！求神拜佛啊！

「阿俊！新同事就拜托你喇！」

「……」我呆撚咗

Barry睥撚住我，但我完全比唔到反應

「我揀阿俊係有原因嘅…阿俊雖然入嚟公司3個月左右，但我睇得出佢喺C team做嘢認真係數一數二嘅，工作都上晒手，又唔會成日口花花…」Jason望住Barry笑住講

「喂！老J，我都係帶歡樂比大家啫…睇吓我入到C team大家幾開心？！」全部人都笑

「嗯嗯！得㗎喇！明㗎喇！所以我先唔搵你，驚你帶壞新人」



「阿俊點啊？有冇問題？」

「err……冇嘅…」我仲未比到反應

「好！就咁決定！新人叫Yuki，咁Yuki聽日就拜托你喇！」

之後Jason再同其他同事傾埋啲工作上嘅嘢，我基本上完全聽唔到佢哋講乜，因為我個腦不斷諗…點算啊！我點同Amy講好呢？！今日比佢見到我𥄫新女，佢已經嬲嬲哋，如果比佢知道我要負責帶住佢，Amy實嬲死我喇！

開完會剛好7點，出返嚟見Amy仲好似好忙咁，我坐返埋位whatsapp佢，不過我仲未知點開口同佢講…

-老婆？你仲未走得牙😟？

-未啊😢仲有啲file要跟，你走先啦

-不如我喺公司附近等你好冇？

-唔好啦！廢事比公司嘅人撞到😕

-但我有嘢想同你講，我喺附近餐廳飲杯嘢等你好嗎？你仲有幾耐走得？

-😐？？有咩想同我講啊？

-係關於公司嘅事😐

-咁你比多15分鐘我，我走得call你啦

-嗯！一陣見

因為我希望當面講，當面講好多嘢可以control得好啲

「阿俊…」barry叫我

「嗯？咩事？」

「你就好啦…聽日就可以「陪瞓」新人」佢扮慘樣

「好llm啊！我而家仲煩緊點同Amy講啊！」我細細聲講

「祝你好運！」

收工後，我就去咗隔兩條街間茶記叫咗杯凍啡飲住等Amy，20分鐘後Amy就嚟到

「你食唔食嘢啊？」我問

「唔食lu~屋企煮咗我飯~」
「老公有咩同我講啊？」

「hmm….係咁嘅…」

我將成件事嘅始末講咗出嚟，Amy聽完望住我呆咗一陣

「點解你唔拒絶…」

「咁…Jason都係覺得我工作表現好先搵我幫手姐…」

「……」Amy靜咗一陣，望住我杯凍啡

「老公…我信你㗎！我信你唔會比人誘惑到！」Amy微笑

？！

「老婆…..你….你真係冇嘢？？」我疑惑

「嗯~因為我知道老公個心只有我！同埋…」

「同埋咩啊…？」

「我咁正~我信老公唔會對其他女人有興趣嘅！嘻嘻~」

Amy絕對有咁嘅資格擁有呢份自信！

我好窩心，Amy對我係完全信任，我仲有咩好擔心？

所以，我都唔可以令Amy擔心！

「老婆…咁星期六…」

「嗯？星期六？做咩呀？」

「吓？？？我哋星期六唔係約好咗咩？！」

「err….咁就要睇吓你呢幾日表現成點喇~~呵呵~~」

「老婆你放心！我星期六一定會除到你條黑絲！」

「喂啊！你咁大聲做咩啊！」Amy打我隻手

「嘻嘻!sorrysorry！我太興奮」

「我愛你啊~老公！」

「我都愛你！」

—待續—