職場食女日記: 容光煥發

上回講到，我向Amy表明心跡，但事情發展完全超出我預期，Amy拒絕咗我，我唔知佢個心係點諗，我剩係知我個心好似粉碎咗咁…

喺巴士上面，我回想返呢幾日同Amy相處嘅時光，每一刻都係咁開心，每一刻都係咁完美，我一路諗，眼淚就一路流，我終於咸咗出嚟

我諗我呢世人，都唔會再遇到，一個好似Amy咁好嘅女仔了

冇耐，我電話有訊息聲，唔通係Amy？

我即刻攞出嚟睇，顯示［BB豬］



-BB？你喺邊呀？出咗門口未？

唔係Amy，我好失望

我回覆

-BB，我出咗門口喇，搭緊巴士，今朝唔知醒

-吓？😦會唔會遲到呀？



-唔會嘅，不過冇時間食早餐了

-😣陰功豬，買隻麵包返去食住先啦，一陣餓壞胃啊！

-我會架喇😗

-嗯嗯😘咁就乖喇，咁我做嘢先喇！晏啲傾啦！

-😘👌🏻



呢個時候，我好似機械人咁覆婉玲，腦一片空白，我已經唔知點樣面對佢，因為我對佢做咗一件，應該所有女人都唔會接受得到嘅事

返到公司，都係發夢，冇點出過聲，全日都對住個whatsapp，睇Amy有冇上線，見佢間中會上，但三點幾之後就冇再上了

Berry可能留意到我有啲唔妥，到6點9差唔多收工時間，Berry叫我

「喂！阿俊！」

「嗯？」

「得唔得閒啊？去食支煙」

「哦，好啊」

我以前有食煙，但自從同婉玲一齊咗之後，我為佢戒咗煙，而家忽然好想食



同Berry落到樓下行入後巷，佢知我冇食煙，遞飛煙比我

「整支？」

「嗯..」

佢幫我點火，我用力一抽，一呼，心中的悶氣好似吐咗出嚟咁

「點呀？講嚟聽吓！」

「嗯？講咩呀？」

「咪扮啦！明眼人都知你有嘢啦，男人一係煩錢，一係煩女人，你又唔煩錢，實係女人啦！」



「唉….」

「願聞其詳」

「我….同Amy…」

「哈哈！都估到你哋有嘢架喇~~」佢淫笑

「你睇得出我哋有嘢？？」

「你第一日返Amy已經睇中你啦！之後佢都成日偷望你嘅，點會睇唔出啫！」

之後我就講晒成件事比Berry聽，當然我冇講啲性愛過程

「拿！兄弟，出嚟逢場作興，玩過開心過咪算囉！咁認真做乜？」



「唉…我都唔知，我剩係知呢一刻我個心真係好痛！」

「屌你！過多排冇嘢㗎喇，話唔定之後有個仲正嘅新女同事睇中你呢~哈哈！」

「跳！我廢事同你講！」

「不過玩還玩，唔好比你條女知，小心變太監，哈哈哈！」

我哋吹多陣水，就上返去執嘢收工

我搭巴士返屋企途中，開個whatsapp嚟睇，㩒入去Amy對話畫面(最後上線時間為今天15:34)，都係未上線…唉

我好想send訊息比佢，但我好驚，好驚佢已讀不回，好驚佢對我冷冷淡淡



我對住個mon，兩隻手指公喺度震，究竟我應唔應該搵佢呢？

我下定決心，反正件事都發展成咁，都冇咩可以輸，要輸，就輸到最徹底！

突然

上面顯示 在線

幾秒後顯示 輸入中…

我個心跳咗出嚟！Amy搵我？！佢會同我講咩呢？！

-Hi

-？！

-方便？

-方便

-可唔可以打比你

-Ok

Amy要打比我？！唔知點解我冇開心感覺，只有不知所措

電話震動，顯示［Amy］

我心呼吸一吓先接聽

「喂？」

「……」

「喂喂？Amy？」

「你喺邊啊…」Amy把聲好攰咁

「我….搭緊巴士返屋企…」

「喔喔..」

「errrr…搵我有事？？」我未敢講啲乜嘢，因為根本唔知佢呢一刻係諗緊乜

佢靜咗幾秒，然後

「嗚….嗚嗚….」Amy開始咸起上嚟

「喂？喂？你做咩事咸啊？？」我好緊張

「嗚嗚..我…我…我好掛住老公啊…….啊嗄嗄！！」Amy大哭出來

Amy一直都係個性情中人，乜都係以感覺行先，對人對事都好，都唔會轉彎末角，所以，而家咸住講呢句說話，肯定係真心說話

我…..真係好開心！

「老婆….我都係啊….我都好掛住你」

「嗚嗚…衰人嚟㗎！！…你點解唔搵人喎！ 嗚嗚…你琴日走咗之後…嗚嗚…你知唔知我返到去喊咗幾耐啊？！…嗚…人哋喺屋企等…等咗你大半日喇！！又食咗藥…嗚嗚…等到瞓着埋….你一次都冇搵人….老公係衰人嚟㗎！你係大衰人！！！嗚啊啊啊~~~~」

明明係你話要大家靜吓，女人有時真係蠻不講理

不過，我就係鐘意咁嘅你

「對唔住啊老婆，係我衰，係我唔好，你唔好喊啦…」

「嗚嗚….嗚嗚….我想…嗚嗚….我想見老公啊…」

「我過嚟搵你！」我諗都冇諗

「嗚嗯….唔好啦~我講吓架炸！你好攰㗎喇…早啲返屋企休息啦…」係咁索鼻水

「但…我都想見老婆喔…」

「傻豬~我聽日會返工架喇~聽日咪有得見囉~」鼻塞聲

「但係….」

「唔準但係！你要老婆聽你話~老公都要聽我話！」

「嗯嗯..我知道喇…」

「嘻嘻~咁就乖豬喇~」終於聽到佢笑

「咁…你食咗嘢未啊？」

「未啊…媽咪煮緊飯~」

「嗯嗯…咁你記得食藥喇喎」

「嗯！我知道喇~~咁…你喺車休息吓啦~好冇~」

「好~」

「拜拜老公~」

「嗯！拜拜老婆」

呢一刻，我已經好清楚，Amy所追求嘅係咩，佢剩係要我對佢好，個心留有位置比佢，成件事就係咁簡單，係我自己搞到複雜咗

返到屋企沖埋涼食埋飯，之後打比Amy，同佢傾咗個幾鐘電話，傾咗好多我哋自己嘅過去，我feel到，經過今次呢件事之後，我哋嘅感情更加深厚，更加重視對方

唔通…..我真係要繼續一腳踏兩船？我真係唔想咁呀！

星期三

今日Amy會返工，我好期待，好心急想見到佢，所以早咗出門口

我即刻想whatsapp Amy，見到佢最後上線時間今天7:31

嘩！Amy咁早起咗身嘅？？咩事呢？？

-老婆早晨😘起身未啊？

等咗一陣

顯示 -在線-

輸入中…

-老公早晨🥰我起咗喇，準備出門口，你呢？

-我剛剛都出咗門了😁

-老公做咩咁早出門嘅？😙

-心急想見老婆🥺

-😍係咪真架

-係啊😫

-哼！算你啦！抵我一早起身整早餐比你食😌

-😱😱😱你整咗早餐比我食？？

-做咩喎😕又唔係未整過嘢你食

-要你咁早起身！心痛你啊！😣

-我冇嘢呀😙琴日瞓咗成日，今日好精神呀😆

-咁你整咗咩比我食啊？？🤔

-😏😏😏唔話你知，一陣你咪知囉

-🙄

-我整埋啲嘢出門口先，公司見啦😘

-😘

我同Amy，似乎已經回復返之前咁恩愛

返到公司先9:30，除咗reception，公司基本上冇人，得幾個Team Leader傾緊嘢，埋到位放低啲嘢周圍望，Amy呢？？唔通未返到？當我正想whatsapp佢嘅時候，聽到reception出面傳來高踭鞋嘅腳步聲，我轉頭向後望，係Amy！

Amy今日成個人容光煥發，笑容滿面，返工淡妝，黑色直條幼紋西裝褸+裙，白色恤衫，黑絲+高踭鞋，加埋好似行catwalk嘅步法，我眼神根本離唔開佢！

呢個女人，真係太完美喇…我能夠擁有佢，可能已經將一生人嘅運氣用盡了

Amy行到埋嚟我面前對，望咗週圍兩眼，喺手袋裏面攞咗個保溫袋出嚟，細細聲講

「老公~快啲食咗佢先啦~嘻嘻」

「咁你呢？」

「我早起身食咗㗎喇~」

「哦哦」

「唔講喇~一陣比人見到，嘻嘻」

Amy行返去自己位坐底，喺Mon與Mon中間望過嚟，做口型

「快，啲，食，啦~~」仲要加個錫錫樣

Amy成日話自己係世界上最幸福嘅女人

咁我肯定就係全世界最幸福嘅男人了

我打開保溫袋，入面係個膠飯盒，見到上面貼住張memo紙，我搣出嚟睇，上面寫住

（老公^_^
呢份係老婆第一次為你準備嘅早餐
希望你鍾意啦💕）

我個心甜到呢，甜到我都忍唔住笑咗出嚟，我望返Amy，佢對住我扮一吓鬼面，佢真係好得意

我慢慢打開飯盒蓋

原來係三文治！！有火腿，芝士，茄片，菜，夾到好厚，勁多料！

因為琴日心情唔好，返到屋企都冇謂口食嘢，而家真係好肚餓，我唔洗5分鐘已經食晒

跟住Amy whatsapp我

-老公！好唔好食呀😛😛😛

-直頭係名㕑級啦！🤤

-你鍾意就好啦❤️

-如果日日都有得食就好喇🤪

-日日食你就會悶架喇🥺

-緊係唔會啦！老婆整乜都好食😋

-咁你幾時食老婆呀☺️

-😳😳😳
-咁你幾時比老公食🤤🤤🤤

-不如星期六😛

-星期六你屋企冇人咩？

-我哋可以去酒店👉🏻👈🏻

-好啊😋😋😋

-嘻嘻！咁你快啲去洗咗個盒先啦！唔係我唔比你食架😗

-即刻去！！

我同Amy已經約好再見面，好x期待啊！！！

—待續—