職場食女日記: 心如刀割

上回講到，原本約定下星期六先去搵Amy，點知Amy星期一突然病咗，我好心痛，收工買粥飛的去搵佢，同Amy經歷咗一晚好似新婚夫婦嘅生活，我好享受，好開心，但隨之而來嘅係，我要開始面對兩個女人之間嘅決擇！

我瞓醒咗，Amy呢？！唔見咗嘅？梳化得返我一個，有人幫我冚咗張被，我望一望個鐘，8點3，好彩知醒姐，唔係又返工遲到，我聽到厠所傳出刷牙聲，應該Amy刷緊牙

我起身，想搵返條褲，可能Amy聽到啲梳化聲

「老公~~??你醒咗牙？」佢行出嚟

Amy紮咗髻，黑框眼鏡，琴日件黑色背心，換咗條淺藍色底褲（琴日果條濕透咗），一邊刷住牙，對奶一邊左右搖晃，好過癮



「老公你唔瞓多陣嘅？」

「嗯！我醒咗喇，早少少出門同你食完早餐先返工好唔好？」

「好啊~~嘻嘻」
「但我今日都攞咗病假喔~因為未食晒啲藥~」

「嗯…我知啊」

「我一陣都順便要去藥房買嘢，嘻嘻！」講完就行返入去厠所



係喎！因為我同Amy做咗咁多次都冇戴套，仲有兩次喺入面射，講好話要去買事後藥，我都忘記咗，我有啲內疚，好似只有佢自己一個去面對咁

不過，我琴晚已經決定咗，要比到真正幸福呢個女人，我唔可以傷害到佢，要好好珍惜佢

我哋好快梳洗完，我着好晒返工衫，坐喺梳化等Amy，佢喺房換緊衫

「咔嚓！」佢開門出嚟

Amy今日着咗件深灰色長T，下身着條波褲，好明顯係我上次話過佢，着到前凸後翹會比人睇蝕晒，所以佢聽我話，着到好鬆身，呢個女人真係好聽我話，我講過嘅嘢，佢全部都會記住，我個心好暖



「行得喇~老公~~」

「嗯！gogogo！」

出門口，我右手公就公事包，佢左手係銀包電話，我哋全程拖住手行，Amy隻手又細又滑，好好拖呢！

「老婆，不如我哋食粥好冇？我突然想食齋腸炒米！」

「係咪真架~~？」佢斜視笑住講

「當然真啦！我唔會呃老婆」

「嘻嘻~~」笑到四萬咁口



其實我諗佢應該估到我係為咗佢而揀食粥，因為佢要食藥….藥？！係喎！仲要去藥房買事後藥！

「老婆…不如我哋去咗藥房買嘢先？」

「嗯？……好呀~我仲以為你唔記得添」陰陰嘴笑

佢帶我去到商場藥房

「老婆你喺出面等陣先，好快」

「嗯？！哦~~~」可能佢以為自己入去買

身為男人，遇到呢啲情況，點可以比自己心愛嘅女人，獨自承受人哋嘅奇異目光呢？好快我就買完出返嚟

「嘻嘻~點解老公對我咁好嘅~？」



「吓？有幾好呀…正常嘢之嘛」

「之前男朋友唔理我㗎~叫我自己去買嘅」講到扁晒咀

「吓？！唔係掛！咁嘅男人都有嘅！？」

Amy冇望我，望住前方，但我見到佢偷笑

「咁嘅人，唔配擁有你！」

「係㗎~只有老公可以擁有我㗎炸~~」

「傻豬！」我錫佢面珠燈一啖



「嘻嘻~」

冇耐就去到粥舖食嘢了，我哋食嘢途中，佢又餵我食粥，我就餵佢食腸仔…啊唔係，係腸粉，旁若無人，成間粥舖好似得我哋兩個人咁，隔離枱條毒撚都望住我哋，嘿！羨慕哩？妒忌哩？死毒撚返屋企打飛機啦！

開心嘅時刻過得特別快，又係時候講拜拜

佢一定要送我去搭巴士，所以就攬住喺巴士站一齊等

「辛苦你喇老婆，你病緊都要你送我」

「人哋都冇事，不知幾精神呀~」

「咁你記得一陣返到上去第一時間食嘢喇喎」

「知喇~人哋識得照顧自己㗎喇~唔會要老公擔心~」



喺呢個時候，我做咗一個人改變人生嘅決定

「老婆！」

「嗯？咩事啊老公？」

「我…我想同女朋友分手…同你正正式式起埋一齊」

Amy突然冇晒笑容，我嚇親

佢開始露出難受嘅表情，視線離開咗我，望向馬路邊

「我……」佢好似想咸

「……..」我等緊佢比答案，心跳加速

「其實….我真係冇諗住要拆散你哋㗎…..」佢眼框開始濕濕哋

我心諗，金翅仆街鳥，唔通我做錯咗？點解同我幻想嘅情景唔同嘅…識咗Amy之後，從未見過佢呢一面，我有啲不知所措

我雙手捉住佢膊頭

「唔係咁架！Amy！你聽我講！經過呢幾日，我係諗得好清楚，先至會做呢個決定！我發覺我已經完完全全咁愛上咗你！你所講嘅一嘢，你所做嘅一切，我都記得好清楚，我咁大個人都從未試過咁開心！我哋所有嘢都好夾，同你一齊真係好開心，好舒服，我同女朋友拍咗三年拖，直到遇到你，我先發現自己心裏面追求嘅嘢係乜，就係你，係你啊！我知你都係愛我嘅！係咪？所以我唔想對你唔公平，我唔想傷害你，你可唔可以比次機會我？比機會我真正咁去錫你，關心你，愛你？」

我都唔知點解可以up到咁大炸嘢出嚟，可能真係由心而發，已經冇得返轉頭了，都係等Amy答覆

Amy望住地下靜咗半分鐘，跟住望返我，吸口氣，再呼氣「嗄~~~」，眨幾吓眼，強忍淚水

「阿俊….我承認，我對你係一見鍾情，我都係從未試過呢種感覺，所以我明知你有女朋友，都要舂個頭埋嚟，因為我嘅性格就係咁，想要嘅嘢就好想得到。同你相處呢幾日，我真係好開心架~我剩係想對你好，因為我知你個心有我，兩個人相處係開心，咁樣已經好夠！但係….同時我又覺得自己好賤，咁樣同搶人老公冇分別….所以我一開始都話，唔洗你對我負責任，喺唔影響你同女朋友關係之下得到你，我已經好滿足…雖然…我真好想完全擁有你….但…我唔可以咁做…」

Amy變到好嚴肅，我好唔習慣，我係咪講多咗？明明呢幾日大家相處得咁開心，點解會變成咁㗎？我終於都明白Amy嘅立場，佢對我當然唔係玩玩吓，但又唔想搶走人哋男朋友，呢條係佢底線，但我就踩到佢底線，佢嘅立場從來都冇變，變嘅係我…

隔咗一陣，見到巴士嚟緊

「有車喇…你返工啦…」佢推開我捉住佢嘅雙手

我好心痛，好似比刀割咁

「我哋會唔會再見啊….」我已經唔知講乜好

「……」 Amy望住我胸口

「不如大家靜吓先」

聽到呢句，我已經知道，一切已經冇得返轉頭了

巴士埋站，Amy上前攬住我，錫咗我塊面一啖

「應承我，比心機返工，好冇？」

「嗯」我嘅淚水已經出緊嚟

佢用手推我去上車

上到車，佢勉強笑住同我揮手say bye，我都有揮手，巴士開動，越行越遠，Amy消失咗喺我視線範圍，我個心已經徹底粉碎了….

-待續-