[愛情] [校園] [足球] 我鐘意左個第一句就講粗口嘅女仔: 42.
「Goodbye Miss Lau」 落堂嘅鐘聲亦響起，今日係我地學界後嘅第三日上堂。亦都係比賽後嘅第二次練波
我同曉瑩係學校外同內都仲有保持住聯絡，但只係近排少左單獨見面嘅機會。由於我忙緊學界訓練嘅事，就算唔洗練波嘅日子我都會跑下步，同放左學後係街場自己練波。
啊婆有陣時都會陪我一齊係街場搓下波，如果有人想踢比賽的話我地亦都會奉陪，當係慢慢搵番自己嘅狀態。始終大家都傷左，之前都停左成個月嘅足球隊訓練，所以我地兩個都勤力左嘗試追番進度
但其實我同曉瑩都已經有兩個禮拜無出過去食糖水，有陣時係電話會問曉瑩做緊啲咩，佢都話佢呢排忙緊功課同考試嘅事。雖然放左學有陣時佢地skype call都會入，但係啊柔同啊靜佢地都係到。
大家各有各忙左兩個禮拜，其實我都有少少掛住同曉瑩單獨相處嘅機會，好掛住佢望住榴蓮閃令令嘅眼，好掛住佢雙手翹住扮嬲嘅可愛樣，好掛住同佢兩個人係海旁躺平嘅感覺。
的確係無煩惱，無壓力。呢一種我只要有你係我身邊就可以放低所有野征服世界嘅感覺只係得我係曉瑩隔離先會做得到，其他人根本比唔到呢種感覺我
正當我仲回味緊呢種感覺嘅時候＂叮！＂電話嘅訊息突然響起
7:00pm (llwhyll) : 喂！就黎考試啦喎！你有無溫過書㗎（疑惑表情
我地係咪心靈相通呢？我一諗起曉瑩佢就即刻搵我，嘻嘻。我即刻攞起手機影住左我係街場踢緊波嘅圖片
7:00pm (mtl1018) : 相片
7:00pm (mtl1018) : 我呢啲死線戰士梗係未啦...我獨自修煉緊啊 （笑喊表情
7:01pm (llwhyll) : 下！？仲有一個禮拜就考試啦喎！一陣間你炒左留班咁點算啊？（嬲嬲表情
仆街，掛住練波練到連考試都唔記得，就算係死線都好，好似都唔係咁死。一陣炒撚左真係留班就出事...到時我留左班曉瑩升左班咁咪大撚鑊！？
7:01pm (mtl1018) : 呃，我都差啲唔記得左考試呢樣野添，我今晚番去會好好溫書㗎啦... (喊喊表情
7:02pm (llwhyll) : 都係唔好啦，你今晚入skype call等我好好督促你啦！
雖然我好想聽到曉瑩把聲姐...但係個主題係溫書嘅話我有啲抗拒....咦！唔係喎，咁係咪代表我可以同曉瑩單獨相處呢？佢無講到有其他人喎！唔通我等左兩個禮拜嘅機會終於黎？
7:03pm (mtl1018) : 好啦！我大概八點到先番到屋企，食埋野都應該要八點半到先入到黎，就八點半等啦！～
雖然唔係面對面嘅單獨機會，但係諗到有得電話下兩個人傾下計已經好興奮，即刻落力啲踢多幾球番屋企先！
＂砰！砰！砰＂我對住牆一直傳一直傳，每一球都比岩岩嘅有力，直到自己嘅極限我先停。「真係好興奮啊哈哈」我自言自語地講
8:35pm (mtl1018) : 我番到去食埋飯啦
我踢完已經好快就換好衫，買埋飯番屋企食。因為今日得我一個人練，所以唔洗同啊婆食晚餐，平時都係食埋先屋企
反正曉瑩未覆，攤上床休息下睇下片都好，最近見到有套動漫幾好睇，講緊關於一推玩家入左異世界出唔番黎，要係世界入面爆左機先出到番黎。
做完運動攤上床休息嘅感覺係最正，睇左一集之後曉瑩亦都覆番我
8:50pm (llwhyll) : 我都得啦～依家我地入call啦！
我立即跳落張床度，開起部電腦打開skype，見到曉瑩已經入左去，仲係得佢一個！咁就一定係狗衝㗎啦
「喂，哈囉」我首先同曉瑩講左句嗨
「哈囉！今日練波練成點啊～」曉瑩問 「還好啊！好似拎到少少狀態番黎，不過都要繼續練」我回
「你唔好掛住練波啊！仲有一個禮拜就考試啦！係喎差啲唔記得，我地今日入黎係要溫書㗎！」曉瑩突然好激動咁講
「係喎，但係我溫書溫得好慢，因為我成日比野分心，所以你可能會有啲難睇住我溫哈哈」我笑住咁講
曉瑩問「比啲咩分心啊！有我係到就唔會比野分心㗎啦！放心啦！」
我聽到之後好細聲咁講「比你分心囉」「你講咩話？岩岩好細聲聽唔到你講乜」曉瑩好彩聽唔到我講乜
「無啊，我話我盡量唔分心啦！真係唔係好想溫書鳴鳴鳴」我扮喊咁講
「唔比盡量啊哼！啊！係喎，話說一陣有個高我地一年班嘅事兄會黎一齊溫書啊！如果有啲咩唔明嘅可以問佢～」曉瑩呢一句野由天堂打到我落地獄....
「邊個黎㗎，我識㗎？」雖然我內心好失望，但我都嘗試用住平常心去問佢
曉瑩諗左一陣然後講，「呃...呃...我地之前燒野食見過㗎！啊朱啊！個個呢～你記唔記得啊」
我梗係記得啦...個日燒野食一開頭同曉瑩有講有笑其中一個啊嘛，仲搞我呷醋到要用綿花糖大計洗走佢我先無咁妒忌...
我過左一陣先答佢「哦哦哦！我記得啊朱啊！，佢好似係啊銀個朋友黎㗎嘛，個日我都有同佢傾過幾次計」我梗係無講我當時諗緊嘅野啦
唉我屌，點解會變成咁㗎。明明係有得二人世界下，點知殺出左一個師兄係到，仲要係個日同曉瑩有講有笑，佢係咪其實都鐘意曉瑩呢...