[愛情] [校園] [足球] 我鐘意左個第一句就講粗口嘅女仔: 39.

「你咁快食哂嘅」

講呢句野係曉瑩，話咁快我地已經到左餐廳食野，不過我太肚餓所以光速秒殺左份早餐。

「差唔多啦，我好肚餓啊，同留多啲時間一陣又遲到番學」我答

「係喎，都就快夠鐘，咁我都食快啲先嘻嘻」曉瑩傻乎乎咁笑

曉瑩食緊野個陣我都無再特別講野，睇左陣電話之後曉瑩突然之間問





「其實我係學校遲到嘅次數就黎多到要記小過，你有無試過比人記小過？」

我講「我全部比人記小過嘅地方都唔係遲到個到㗎，一係就同足球隊班人搞事，一係就無交太多功課哈哈」「同埋我如果遲到嘅話我都唔會即刻番到，我寧願嘆番個早餐再慢慢番」

「你又好似有啲道理咁喎，反正遲一分鐘又係遲，遲一個鐘又係遲，點解我諗唔到嘅呢哈哈」曉瑩諗左一陣之後傻笑

曉瑩傻更更個樣真係好得意，呢一刻真係好希望可以時間停留係呢到，等我無時無刻都有得望住佢。

好快我地食完都行左番學，第一次我地一齊食早餐，第一次我地一齊行番學，就算身邊有好多同級望住我地，我都完全唔介意。





希望之後有更多次啦，雖然仲未知曉瑩點樣諗，但我自己私心想有更多呢啲事發生。

上到課室都無乜特別，大家都各自各傾緊計。我同曉瑩入黎個陣有部分人望住左門口嘅方向，個陣時咁岩我同曉瑩傾緊上堂個老師嘅八卦，佢聽完之後笑住行入黎。

好彩大家都無特別大反應，係可能覺得我地同一時間入到班房。唯獨係啊羊同啊行知道我地發生咩事嘅撚樣見到我入班房之後即行過黎拉走左我

「曄，一齊番黎嘅，兄弟你係唔係已經搞掂左」啊羊第一句見到我已經問呢句

「痴線，你估我係神仙咩，咁快搞掂，有撚排啊」我答　「但係你同佢有講有笑咁行入黎喎，你地約左一齊番學？」啊行再問





「可以咁講嘅，咁岩有野想傾下咪食左個早餐之後行番黎囉」我無同佢地講我地係海旁坐左成晚呢件事

我唔敢講呢件事係因為我自己都唔知佢係點諗，呢件事都唔代表到啲咩，始終唔知佢嘅意向係乜

再講，我唔想比假希望自己，反正依家咁對我黎講係已經好滿足。希望愈大失望愈大。

「係喎話說，你隻腳點啊，有無好番啲？學界前出唔出到？」啊行問

雖然啊行係同我係受傷事件上吵嘈得最多嘅一個，但佢亦都係最關心我傷勢嘅一個

「應該得嘅，過多一兩個禮拜到就應該完全好番。唔好擔心你嘅最強右翼啦」我得戚地講

啊羊搭左搭我膊頭講「唔驚啦，你實得啦，球星黎㗎嘛」「洗乜講啊，到時我好番實每場三球起」我更加自信地講

我講完之後都坐番埋個位到，因為上堂鐘已經響起





曉瑩一如以往地坐係我後面拎緊啲功課出黎，我就...尋日掛住係條街到無做過...

「仆街！係喎今日有份經濟功課要交....」我細細聲講左句

曉瑩好似聽到，拍左拍我　「你係咪尋日係條街到無做過功課啊哈哈哈哈」

「呃係...乜你無功課咩，點解你好似完全唔驚咁嘅」我問

「我今日無野交啊，我啲科今日全部都無功課做，不過有人就...好似出事喎嘻嘻」曉瑩笑住咁講

是因我地係中三已經要揀科，中三揀五科，上到中四就係個五科到揀淨三科，咁岩曉瑩就係無讀經濟。

可能你地問緊，你地唔同科㗎喎？點解會同一班嘅？我地分班係跟成績/操行等等而分，唔會因為唔同科而分左唔同班，就係咁奇怪。





不過我覺得好好，因為同到曉瑩同足球隊啲人同班，就自然覺得無所謂。