我次次拍拖都拍唔長，因為我……: 家姐篇

話說我係廚房煲緊糖水，老豆係花園set緊燒烤爐，突然間我聽到有咔嚓開門聲，睇嚟應該係細佬番咗嚟，我探咗個頭出廚房話「點啊，啲嘢到手未？」一望就見到細佬之前個基友大叔我大叫「喂，做咩叫埋個阿叔嚟啊？」

阿希話「啲嘢我攞咗喇」佢從褲袋到攞咗包用透明細膠袋出嚟，入面裝咗啲灰灰黑黑嘅粉抹，睇嚟就係啲符粉，佢畀咗包符粉我後話「個鎖匙扣係到，至於大叔會嚟燒嘢食嘅事我都同咗老豆講，啱先打咗電話畀佢，佢都話冇問題，歡迎大叔嚟...」

死仔啊，先斬後奏叫埋個變態阿叔嚟，即刻搞到冇晒胃口，今晚燒烤都唔想食嘢喇

老豆聽到聲入咗嚟廳話「hello,你好啊，你就係阿希朋友呀，點稱呼啊？」

大叔話「我叫阿林啊，細伯你好」佢刻意chok聲，扮到好有禮貌咁好似想搏好感咁，心諗收皮喇，不過呢個都唔係重點，重點係要幫老豆解降頭





我話「阿林佢早排好似去泰國去旅行買咗啲手信畀你啊」我同細佬打咗吓眼色

細佬話「係啊，佢買咗個鎖匙扣畀你」老豆話「哦，唔洗咁客氣啦，應該係我多謝你真，平時細佬去你到住打搞晒」

大叔都好配合咁講「唔打搞，小小心意，就當係你幫我搵到工嘅謝禮喇」

老豆接過鎖匙扣後點頭答謝，我話「老豆我幫你勾係鎖匙到啊」之後好快就幫佢扣好咗

老豆話「我set好爐㗎啦，出嚟一齊食嘢吧」