我次次拍拖都拍唔長，因為我……: 大叔篇
啱先落街去食下午茶，番嚟就見到阿希坐咗係梳化到係咁喊，我即刻行埋佢身邊問「做咩喊得咁犀利？咩事？」
佢一邊哽咽一邊講「阿儀佢.....消失咗啊
」我話「你意思係佢唔見咗，你搵唔到佢？」佢話「佢同我講完再見之後就好似一陣煙咁消失咗啊」
見到佢哭成淚人，我都唔知可以講咩安慰佢，但唔知點解見到佢喊，我心入面都好難受，我一手抱咗佢入我懷抱，佢喊到成個細路咁收唔到聲，雖然唔明點解阿儀要走，但我呢刻都必須安慰阿希平伏佢嘅心情
我低頭輕輕咁親吻咗佢額頭一下，細細聲講「唔洗驚，你仲有我，我以後會留係你身邊」錫佢額頭果下我聞到佢陣洗頭水味超香
我一隻手撫摸佢嘅背脊，另一隻手摸住佢面珠墩，幫佢抹下流到下巴嘅淚珠佢托頭含羞答答咁望住我，估唔到佢眼睫毛都幾長，再配上雪亮嘅大眼精，如果佢係女仔都應該係個靚女，佢顎高頭用佢櫻桃般嘅咀仔錫咗我面頰一啖，佢問我「你可唔可以做我男朋友？」
老實講，我唔抗拒
不過冇諗過佢咁大膽向我表白，嚇到我有啲小鹿亂撞咁，個心跳得勁快，我吞咗下口水，清一清喉嚨後話「好....」佢後來都向我交代番阿儀嘅去向，原來佢選擇咗投盤輪迴
阿希話「今晚我屋企燒嘢食啊，你過唔過嚟？」
我話「會唔會阻住你哋家庭樂？」佢話「唔會啊，一齊嚟啦」於是我同阿希一齊出發，搭車去元朗