我次次拍拖都拍唔長，因為我……: 大叔篇

嘩屌，訓晏教都發夢見到同阿希扑嘢嚇到我即刻醒撚咗唔敢再訓，睇嚟琴晚嘅事對我做成咗好大嘅陰影，我即刻點知煙食定下驚先，突然聽到開門聲，原來係阿希番嚟，佢一番到嚟就垂頭喪氣，我問「咁快番嚟嘅？出咗去個半鐘咋喎？搵唔到個兇手？」

阿希話「搵唔到啊，間鋪轉咗女僕cafe ，問站啲店員都話唔識上手鋪頭嘅人」

我話「哦，搵唔到都冇辦法，唔洗咁灰喎」佢話「我會再諗下有咩辦法搵到果個風水佬.....不過呢我最唔開心嘅唔係呢件事」佢個樣好似苦過苦瓜乾咁，我問「發生咗咩事啊？」佢話「阿謙佢搵我嚟」

我話「吓，佢唔係同你冇聯絡，搵你做咩？又蝦你畀說話你聽？」

佢話「唔係.....佢入咗醫院...佢有cancer....佢話想臨死前見下我，同我當面道歉」我話「堅唔堅㗎？係咪玩你㗎？」佢搖搖頭講「應該唔似係，佢話希望我聽日可以去醫院探佢」





我話「咁你打算點做？真係去？你唔再嬲佢啦？」

佢話「我....嬲佢唔落.....我本身都糾結緊去唔去好，但如果我唔去，可能就見唔到佢最後一面」

我話「唔會啊，見到啊，你宜家有陰陽眼，佢死咗你都會見到佢啊」

佢話「認真啲啦好冇唔好攞呢啲嘢嚟講笑喇」

我話「sor囉....話說，頭先你出街有冇見到鬼？」





佢話「我又唔覺喎，我唔係好識分啊，佢哋同人都一樣㗎啦」

佢突然間個樣又淆底話「吓....頭先地鐵果啲唔係人嚟㗎，你唔早講」睇嚟女鬼同佢講頭先有鬼，嚇到佢面青青咁

我插咀話「屌，怕咩撚嘢鬼姐，隻女鬼都成日跟住你啦，你不如考慮吓同佢哋做朋友啦」

佢突然好大反應話「食屎啦你，唔係你我洗見鬼，最衰都係你啊賤人，快啲搞番掂佢啊」

我諗諗吓又唔係好想畀錢佢搵人做法事封眼，因為都唔平，所以我耍佢話「其實果啲咩封眼都唔一定work，不如你習慣吓同啲鬼相處算啦...」





佢話「仆街啦你，唔想畀我錢搞法事，睇穿你啦，我唔理....一係你畀錢我做法事封眼，一係就你畀我插番你屎眼，過番陰陽眼畀你」

我聽完嚇到即刻呆咗用不著性交再轉運啊嗎.....放過我啦大佬我唔係0仔嚟㗎，我即刻慌張咁講「畀，錢我一定畀，你放心，呢單野一定搞得掂嘅」

話說阿希話有啲熱，走咗去沖涼，入咗去廁所半分鐘唔夠，佢突然敲下個廁所門，我問「做咩？」

佢話「我唔記得咗攞毛巾啊，可唔可以係我個gip 到幫我攞條白色毛巾嚟？」我話「好，等等」

我幫佢搵毛巾果陣心諗你個死仔真係打算係到長駐架喎，帶咁多衫褲嚟，底褲都帶七條嚟，唉，睇嚟真係要搵個方法扔佢走，唔可以畀佢鵲巢鳩佔

我攞咗條毛巾畀，拍拍佢門話「搵到啦，快啲攞啦」佢打開門話「唔該」係條門隙到我若隱若現地見到佢嘅上身，佢當時冇著衫，白哲嘅肌膚襯托住迷人嘅pink lin,令我不禁望咗佢幾秒，死啦畀佢發現咗我偷睇佢㖭

佢話「望咩望死變態？」我心虛地話「冇啊，邊有睇你姐」佢話「仲話冇，明明見到你吞咗吓口水，擺明垂涎我嘅美色啦，你唔好打我主意啊」之後佢好大力bom 埋道門

心諗....我究竟做緊乜嘢，點解果下有心動嘅感覺嘅唔通我真係基，我拍親拖都唔長嘅原因係我基？我睇唔透