我次次拍拖都拍唔長，因為我……: 大叔篇
我入咗廁所食咗枝事後煙，試圖平伏我激動嘅心情，本身仲以為發咗個美好嘅春夢，點知原來係惡夢
我第一次同男人做.....我真係接受唔到，雖然事實上我都冇咩損失，諗番起都幾爽，仲可以甩埋陰陽眼，本身畀陰陽眼纏繞咗咁多年都覺得好煩我諗緊點平息呢件事，宜家阿希變咗有陰陽眼，可能係我搞到佢咁
我諗緊畀唔畀錢佢搵啲茅山師傅封眼，不過我都試過搵啲所謂師傅封眼，但其實佢哋都係啲無料嘅死神棍，畀咗錢佢哋作法搞大龍鳳都係封唔到眼
正當我仲沉思緊應該點做果陣，我聽到電話響，我即刻出番去睇邊個打嚟，點知係我個八婆上司打嚟
我膽戰心驚咁攞起個電話，一聽就差啲畀佢把勁尖嘅八婆聲整聾，佢仲要勁冇禮貌，一黎就叫我全名「史太林，聽日係你嘅last day ，朝早番嚟執埋你啲嘢走，糧果啲我叫咗hr 幫你計....」本住我已經畀人炒撚咗，冇嘢好輸嘅心情，我串柒柒咁回應「好啊，我本身都唔撚想再對住你呢件八婆，你唔炒我，我都打算辭職啊」屌完佢之後我霸氣cut 佢線，然後封咗佢電話，等佢唔好再打嚟煩我
呢下我終於覺得下咗啖氣，心情大好我搭住阿希膊頭話「落去食下午茶，我請」