我次次拍拖都拍唔長，因為我……: 大叔篇
嘩屌，一開燈先發現自己中撚咗伏
屌，點解我會攬住個死仔.....真係鬼掩眼，我仲要攬到扯咗旗，仆街勁老尷啊，果刻我真係柒到想搵個窿捐我見到阿希係我嘅懷抱入面，郁都唔敢郁，紅到面晒
唔知係畀我嚇親定畀鬼嚇親，佢家姐個樣成隻唔撚係樹熊咁款，最攞命係班鬼，成班圍住係到睇戲食花生，個個都笑到咁嘅樣
我見勢色唔對，即刻扮嘢望下自己隻撈話「咦，時間唔早了，我走先，byebye 」之後即刻開門閃人，心諗，究竟我做緊咩.....點解我果下會有心動嘅感覺
我明明係直㗎，唔通我餓得太耐，餓到痴咗線，唉.....我望唔透，呢刻我淨係想快啲番歸，打番個飛機當辟吓邪我急急腳行咗去村口，見到有架小巴，我即刻衝埋去截車，個司機停低咗車，我即刻攞出八達通出嚟嘟，嘟完後先望到架車爆棚，心諗仆街司機唔點人數
亂停車都有，正當我想落番車之際，坐最尾孖位嘅肥師奶同我講，「後面有個吉位啊！」之後我行咗去車尾，個師奶縮埋個身想讓我坐，我果下先見到佢隔離所謂嘅乘客其實朋友仔，講真啊，人同鬼都好撚似，並唔係好似恐怖片咁，啲鬼係面無血色，七孔流血果種，所以有時望一眼都分唔清楚佢地，對於有陰陽眼嘅人嚟講，有時真係靠旁人嘅反應先判斷到佢哋係人定鬼
我行咗去入面個位，無視個朋友仔照坐上去，其實呢種感覺有啲怪，好似澤住人哋坐咁，有啲唔好意思，不過我又心急想番屋企，冇辦法喇
話咁快我終於番到屋企，我即刻渣渣林沖個涼洗下啲衰氣，係沖沖吓期間，我feel到浴簾後好似有個頭突咗入嚟望住我
我嚇到鳩都縮埋，屌你老味......又係你隻仆街女鬼裝我沖涼
裝夠未啊，今日已經好撚邪㗎啦，你仲要嚇鳩我話說我一個人租咗長沙灣某單位住，呢到租好平，因為上一手租客係到自殺，無錯死者就係果隻中女女鬼，老實講我唔係貪呢到平同番工方便都唔會係到住，雖然佢係自殺，但佢又冇咩煞氣，只係隻冇殺傷力嘅濕鳩鬼，所以我都安心係到住唔鳩理佢