我次次拍拖都拍唔長，因為我……: 家姐篇
嚇死人咩，心都離一離
細佬本身問緊碟仙嘢，正當隻碟郁緊之際，突然間度廁所門砰一聲閂撚咗，嚇到我都尖叫咗聲，都唔知真係有鬼定只係大風吹埋咗度門成個廳一下止變到伸手不見五指，雖然有啲淆底，但我同自己講，點都要冷靜，快啲開番盞燈先，我企起身慢慢行，摸住牆一步一步咁行緊正門門口，燈掣就係附近
我一路行一路聽到係我耳邊有啲雜音，隱約聽到屋入面竊竊私語，講嘢嘅聲唔係果個阿叔同我細佬把聲，好似混合咗好多人嘅聲，有男有女咁
心諗，唔係咁撚猛鬼啊，真係請咗碟仙上嚟？我果陣嚇到腳都震埋，想行快啲都行唔郁，明明行去燈制嘅路程十秒都唔洗，但我呢段摸黑嘅路程好似行咗好撚耐咁，真係嚇到我有啲想喊
心諗快啲畀我開燈啦唔該，有怪莫怪啊，對唔住啊咁多位大佬終於畀我摸到個燈制啦，我即刻開咗燈，點知眼前係我出現嘅野，仲恐怖過見鬼
屌，我見到我細佬同個阿叔攬埋一團咁，仲見到阿叔好似扯旗咁，褲浪位脹起咗，仆街....十足十睇緊大叔的愛咁
勁老尷囉