我次次拍拖都拍唔長，因為我……: 阿希篇
阿叔係咁搵籍口想推我，唔想幫我
仆街我淆底啊，宜家淨係想家姐都信有鬼，快撚啲dum 晒屋企啲二手衫係情急嘅情況之下，我講咗個大話利誘阿叔留係到幫我，我話「你唔係想見下我家姐㗎咩，佢其實都幾索㗎，你諗下喎，你幫我又可以借啲易拖住佢抽下水......」我係電話打開咗張我同以前中學個實習Miss影低嘅合照，show畀大叔睇，我Miss個樣都幾正，白白淨眼大大，化淡妝，同我個港女家姐完全唔同style
本身阿叔個樣都好冷淡，但見到張相佢嘅態度都有啲轉變，果然係個死狗公
阿叔突然轉口風話「其實又唔係唔可以幫你嘅，知你畀鬼搞都好慘，咁啦，不如今晚玩碟仙，通常玩呢啲，啲朋友仔都好八掛出晒嚟，我玩玩下中遊扮驚，拖住佢咁佢咪睇到囉......」阿叔興高采烈咁不停講佢嘅所謂完美大計講講下我家姐wtsapp我話「收工喇，今晚想食咩，我買飯盒番黎？」
我覆「今日我有fd 嚟咗屋企，不如叫外賣pizza 」
「屌你咩，又叫埋啲豬朋狗友嚟，收工都要對住啲唔識嘅人，叫你個fd快撚啲走啊！」
我覆「食完飯佢咪走囉....咁惡做咩姐」
之後我扮到若無其事咁繼續同阿叔講嘢，心入面想家姐快啲番嚟，想呢單嘢快啲完結