我次次拍拖都拍唔長，因為我……: 大叔篇

嘩屌那星，條死𡃁仔係咪真係死基佬嚟㗎，十足啲on9 電視劇女主角咁，攬住男主角苦苦哀求人哋唔好離開佢咁款，呢下仲恐怖過頭先見鬼......我極力爭扎推開佢，糾纏之間佢眼泛淚光，仲係咁大叫「唔好走啊大佬，幫幫手啦」大聲到連係籃球場入面打波嘅細路都望鳩住我哋，死啦，啲人會唔會以為我同佢係基友嚟勁老尷囉個場面

為咗平息呢單野好忍唔住話「好啦，唔走啦，陪到你家姐番嚟為止，你冷靜啲啦」佢聽完之後終於鬆咗手，用住可憐嘅眼神望住我「點算好啊宜家，係咪dum 晒啲二手衫就冇事？」

我話「其實我都唔係好清楚....不過你都可以試下嘅...」唉，好想走啊大佬，佢屋企入面開p咁款成堆鬼，睇到都唔開胃本身諗住坐住梳化慢慢等家姐，睇下索唔索當識到新女，宜家我都嚇到冇晒mood，想快啲番屋企沖個涼洗下啲衰氣

阿希唸唸有詞咁講「死啦，點同家姐講叫佢dum晒啲衫好，佢一定唔撚信啦⋯⋯」我話「你宜家趁佢未番就先斬後奏dum晒佢啦，之後先同佢解釋」

阿希話「唔得㗎，我dum晒佢啲衫佢一定好嬲，打死我...」





「咁點啊，你寧願忍受畀鬼長期搞定畀佢打獲金？」阿希靜咗落嚟，好似係到諗緊解決方法，過咗幾分鐘，佢突然間講咗句「如果家姐親眼見到，咪會頂唔順自己dum晒啲衫......係喎，你拖住我家姐，開佢陰陽眼咪得囉？」

我話「咪撚玩啦，我無端端拖佢，佢當我咸濕佬非禮佢咁點啊？」

之後阿希靜咗落嚟，我同佢係籃球場坐咗陣，個天都開始變黃昏，本來打緊波嘅細路，都開始陸續番咗屋企，之後個球場得番我哋兩個，靜到烏蠅飛過都聽到，見到咁靜我忍唔住撩阿希講嘢，想個氣氛冇咁尷尬

我話「你家姐份人點？好惡㗎？你好似好驚佢咁....」

「典型港女格囉，對屋企人呼呼喝喝，冇咩禮貌，上次我好心幫佢執房，佢仲屌番我轉頭話我整唔見佢啲嘢」





我話「咁惡，你仲叫我拖住佢隻手，佢一定叫非禮啦，仲點令佢相信有鬼」講白啲，我當時都唔想幫佢，只係想快啲番屋企算

阿希突然個樣好似靈機一觸，諗到啲屎坑橋，我當時都心知不妙，佢話「不如咁啊，我哋呢......今晚嘅家姐話玩啲集體遊戲，刻意製造機會互相拖手，咁佢咪見到屋企啲朋友仔囉，係咪好橋先？」

我話「咪撚玩啦，啲鬼醒撚過你啊，我本身入你屋企佢哋都feel到有人嚟，籬埋晒，再者我頭先見到佢哋都嚇撚親，佢哋知我見到佢哋啊，一陣入番你間屋容咩易畀鬼搞，不了.....」