性交轉運打喪屍: （86）

啲喪屍咁樣俾人射爆頭，楊過睇唔過眼，對住嗰班裝甲人大嗌：「喂你地係咩人？喪屍本身都係人嚟架！洗唔洗…」

佢嗌到一半我就掩住佢個口，唔俾對方繼續講落去。

因為我驚會招惹到嗰班人。

無記錯，呢班人絕對唔係咩善男信女，上一次有一個仲差啲想射死我。

我拉走楊過，並叫其他人快啲走：「算啦，我地走啦，呢班人惹唔起架。」



Isabel就唔聽我講，唔肯退後之餘，仲想行上前：「唔係喎，佢地咁齊裝備，又有槍又有甲，話唔定係政府嘅人嚟架喎，不如叫佢地護送我地去鰂魚涌。」

「喂，唔好過去呀！都話左呢班人好危險！」我衝過上前拉停Isabel。

對方卻一手fing開我：「你又知？你話係就係啦？我夠話佢地係好人啦！一定係政府或者軍隊嘅人！」

Isabel唔聽我勸告，執意要行過去，結果行到半路，其中一個戴住臂章嘅裝甲人，舉高手上嘅激光槍。

下一秒，瞄準，發射。



「劈啦！」伴隨一下爆漿嘅聲音，Isabel成個頭炸開左。

我呆撚左，o曬嘴。

之後，身後嘅Shirley同Sandy發出驚嚇嘅尖叫聲。

嗰個射死Isabel，帶住臂章嘅裝甲人，舉槍又想向住我瞄準。

「仲呆喺度做咩呀？咁危險，快啲走啦！」楊過佢地全部人已經調頭跑。



而我...我其實都好想走…但係...對腳唔聽話...發軟蹄…郁…郁都郁唔到…

個裝甲佬準備掹雞發射，好彩嘅係，喺突然標出一班喪屍，從後襲擊佢地，導致到對方射歪左，只係射中路邊喺我隔籬嘅郵箱。

「Boom！」

不過激光嘅威力十分驚人，個郵箱成舊炸開，爆炸嘅衝擊力將我成個人彈飛。

我打橫撞落另一邊馬路上嘅一架巴士度，瞬間眼冒金星，幾乎暈低咁滯。

好快緩一口氣，視線清晰返後，再見到裝甲人拎槍瞄準住我。

雖然我都有機關槍在身，問題係對方包曬厚厚嘅裝甲，機關槍好明顯射唔穿。

對方隨即向我開槍，與此同時間，我手上摸到一啲硬物。



出於本能求生反應，有嘢就擸，都唔知舊嘢係乜，直接就拎起作擋隔。

綠色激光朝住我射過嚟，正中我手上舊嘢，然後突然反彈射返轉頭。

原來，我揸既係一舊從巴士斷開嘅倒後鏡。

激光由鏡面反射過去，啱啱好反彈射爆裝甲佬個頭。

運氣又救左我一次。

呢個瓜左既裝甲佬手臂無臂章，並唔係頭先射我嗰個。

真正有臂章嗰個，家下正連同其他裝甲人對付緊喪屍。



剛才呢班人輕鬆解決曬啲喪屍，而呢刻卻俾一隻喪屍搞到陀陀擰。

我都為此感到好震驚。

呢隻喪屍同一般喪屍好唔同，佢對眼係發綠光，速度奇快，而且啲牙同指甲非常鋒利。

最可怕嘅係，隻嘢對眼好似見到嘢咁，識得避開敵人攻擊，仲識得睇住裝甲人嚟還擊。