性交轉運打喪屍: （83）

「呵！研發到解藥又點，啲喪屍無曬又點，最最最重要嗰個人都已經唔喺身邊，一切仲有咩意義？有得揀我寧願要架時光機返去救我老婆。」

阿得苦笑一聲，伸手入件衫度，又想拎佢老婆粒lin出嚟懷緬一番。

點知拎出嚟，就得返條繩，個鏈墜aka佢老婆啡lin，竟然唔見左。

「Shit！！！」阿得揸住條繩大嗌，手到震埋，「仆街！粒lin呢！我老婆粒lin呢！去左邊！」

我地驚佢激動得滯撞到茶几，所以拿拿臨一齊搬開茶几。



「粒lin呢！你地有無人見過我粒lin呀！」阿得發曬狂咁喺地下周圍揾。

「乜lin？點解我唔明講緊乜？」Shirley一臉疑惑。

「係囉，你講緊個樣係咩嘢嚟？」Sandy接住問。

「粒lin呀！平時我掛喺心口，啡色嗰粒就係我老婆粒lin！」阿得情緒激動，繼續到處揾，「去左邊呀！去左邊呀！」

得知真相後，三個女仔不約而同反胃兼作嘔。



跟住楊過指住地上某處地方，有一粒啡色圓點：「你係咪講緊嗰粒呀？」

「哈！揾到啦！係我老婆呀！」阿得第一時間埋去執。

至於粒lin其實就喺Jojo附近。

未等阿得行到，Jojo就突然一嘢擔走左，並吞左落肚。

阿得mak大口，碌大眼，呆左一秒。



下一秒佢衝埋去雙手捏住Jojo條頸，阿得雙手捏住Jojo條頸，舉高猛咁fing：「仆你個街！你隻衰狗竟然敢食我老婆粒lin！快啲同我嘔返出嚟！」

自己心愛嘅寵物俾人咁搞法，楊過當然要出手阻止：「你唔好咁啦！你咁樣會箍死Jojo架！」

「你隻死狗吞左我老婆粒lin！我要佢嘔返出嚟！」阿得雙眼充滿怒火。

二人相互糾纏，我地其他人想幫手，又唔知如何入手。

然而鬥力嘅話，楊過點會輸。

佢一手用力推開阿得，同時把口不斷講對唔住：「好對唔住，sorry，我唔係有心想傷害你架！」

阿得向後「鄧」落地下，知道老婆粒的已經攞唔返，唯有發洩情緒式咁亂dum嘢，地下執到乜就dum乜。

「嗚嗚…連我老婆唯一留俾我嘅嘢都無埋…嗚嗚…我唔想做人啦…」



佢旁邊有堆污糟衫褲，應該係我兩三日亂拋喺度，對方就執起嚟飛埋去楊過面前。

過程中，有隻usb喺條污糟褲度飛左出嚟，正中左楊過個口。

楊過放低Jojo，從口中拎返隻手指出嚟：「點解無啦啦會有隻手指嘅？」

我諗左一陣…

啊！諗起啦！呢隻usb係城大實驗室嗰個鬼佬教授交俾我架！

「隻手指係我喺城大實驗室，有個鬼佬喺臨瓜之前交俾我架。」我出聲回答。

「咁入面有咩資料？」楊過問。



「呢層我唔知，淨係記得佢交俾我嗰時，不停咁同我講『anti刀』、『anti刀』，都唔知咩嚟…」

「Antidote？？？」

其餘五人異口同聲，連本來喊緊阿得都一齊講出呢個字。