性交轉運打喪屍: （60）

「請問你係咪有個家姐，叫做Sandy？」我好細聲咁問。

「咦？乜你識我家姐？」Sandy個妹細細聲咁答。

「係呀，我同佢一齊入嚟城大…」

「Shh！」對方一聽到附近有動靜，就馬上「殊」我。

至於呢啲動靜，係嚟自嗰兩個宅男。



「唔掂啦唔掂啦…好攰呀…」戴帽男扯曬蝦，喘到好似就嚟斷氣咁滯。

「仆街…呢度都有咁多喪屍…」背囊友一樣都係滿頭大汗，抖曬大氣。

我地張檯靠近門口，趴喺檯底斜望過去，基本上睇到曬佢地嘅一舉一動。

相反，兩個宅男似乎無注意到我地。

二人只係稍稍停低，喘左幾啖氣，後追嘅喪屍已經追到上嚟。



佢地feel到自己跑唔郁，所以只能頂硬上，同班喪屍砌過。

「嘭！嘭！嘭！」二人手上嘅槍就係最大嘅武器。

令我意外嘅係，佢地啲眼界都幾準下。

尤其係個死人背囊友，連開三槍，三槍都head shot射爆喪屍嘅頭。

對比之下，戴帽男就比較慌張，唔瞄準就咁亂搶射。



雖然都爆到頭，但命中率低，幾下就射曬啲子彈。

嘹亮嘅槍聲幾乎響遍成層樓，吸引曬所有喪屍，包括canteen入面啲喪屍都圍過去。

我同Sandy個妹匿喺檯底，唔敢亂郁，更加唔敢發出半點聲響。

面對重重喪屍包圍，戴帽男膽戰心驚，雙手一路騰騰震，一路換上子彈：「死啦今次…咁…咁多隻…隻喪屍…今鋪走唔甩啦…」

背囊友就同戴帽男講：「唔洗怕，你埋嚟，我嚟掩護你！」

戴帽男聽信對方說話，點不知一埋到去，背囊友居然唔係掩護佢，而係好賤格咁推佢去前面嘅喪屍堆中。

戴帽男毫無防範，俾自己友冼到應一應，目測至少七八隻喪屍圍埋去，捉住佢嚟咬。

面容扭曲嘅佢，極度痛苦咁不斷掙扎。



只可惜，喺呢種情況下，任何掙扎都係無補於事。

好快佢成個人冧低，揸槍嘅手同時鬆開，支槍順勢跌落地下。

背囊友繞過嗰堆撕咬緊戴帽男嘅喪屍群，想行埋去執嗰支槍。

偏偏呢個時候，被咬到不似人形嘅戴帽男，喺斷氣前作出最後嘅報復。

佢用盡最後力氣，喺喪屍堆中伸出手攔路，將繞路嘅戴帽男「kick」跌。

背囊友面朝地咁仆落地下，手上嘅槍鬆脫出嚟，並滑到我同Sandy個妹面前。

我伸手去執支槍，與此同時，十幾隻喪屍湧埋去痛咬「落水狗」。



「啊！！！」背囊友痛不欲生咁大叫。

佢兩邊頸、手腳、心口全部被咬，啲血好似決堤咁，噴曬出嚟。

而喺呢一刻，倒地被咬嘅佢亦終於注意到我。

開講有話風水輪流轉，啱先用槍射我射得咁過癮，家陣就現眼報，俾一大班喪屍咬q死。

Sandy個妹慢慢「捐」返出檯底，瞄下現時周圍嘅環境。

「啲喪屍圍曬過去『開餐』，要走就趁依家好走啦！」

聽完佢咁講，我收好支槍，快快脆脆爬出檯底，並跟隨對方離開canteen。

剛才Sandy個妹趴喺地下，所以無乜點留意到佢嘅身材。



家下佢起返身，我再睇真啲，發現佢真人嘅身材，同喺相入面見到嘅一模一樣，都係細細粒粒，但勝在有波又有籮。

佢一身運動裝束，上半身灰色sport bra，下半身就黑色瑜伽褲加跑鞋。

照道理呢啲sport bra著上去會箍緊個胸，令到對波望落無咁大，但Sandy個妹著上身，上圍仍然非常突出同豐滿。

保守估計，佢嘅cup數，至少都坐D望E。

除左瘦底大波之外，佢個籮都好正。喺貼身瑜伽褲襯托下，顯得好翹好圓潤。

整體而言，佢個身材可以用「玲瓏浮突」四個字嚟形容。

既然佢有咁健美嘅運動型身材，當然就有運動型嘅身手。



佢跑起上嚟，速度好快，兼且完全唔等人。

我跑得無佢咁快，喺後面追得索曬氣：「可唔可以…等一等…」

對方停低腳步，臉上略過一絲不爽：「搞錯呀，再跑得咁慢我就唔等你架啦。」

「唔得啦…我好攰...不如抖先下先…」我索曬大氣，慢慢行過去佢面前。

「唔得，要抖起碼都出返去出面先抖。」

「我真係腳軟...跑唔郁...」

「算啦，我跑返慢啲就下你啦。」講完，佢就轉身繼續向前跑。

而個速度根本無學佢咁講慢左落嚟，定抑或係咁樣已經算慢左？

為左唔俾丟低，就算喘住氣，我都只能努力追趕佢嘅腳步。