性交轉運打喪屍: （47）

我地七個人唔想逼喺烘焙室，於是先返出餅鋪大堂，跟住Sandy同四條麻甩仔輪流講返件事。

我一邊咬住麵包醫肚，一邊聽。

聽完，總結成件事，以我理解就係咁：

Sandy係「女神」，嗰四條仔就係佢啲「兵」，從喪屍出現嗰日起，四隻兵仔就一直保護女神，佢地以為咁做就會得到女神歡心，從而達到最後嘅目的——同女神扑嘢。

只但係佢地無料到，仆心仆命保護足女神幾日，對方不但止無任何表示，而且淨係當佢地工具人咁洗。



因此幾人就惱羞成怒，嬲起上嚟就忍唔住玩老強。

可惜一山還有一山高，Sandy一早估到四條仔會夾硬嚟，所以早就笠住條貞操帶，以作防備。

至於佢個妹呢一刻困住喺城大，Sandy要求四條仔只要邊個救到佢個妹，咁就會同邊個上床。

知道曬來龍去脈後，本人真心覺得呢條女唔簡單，徹徹底底將男人玩弄喺股掌之中。

就連身為女人嘅Isabel都為此側目。



Sandy開住部電話， 將佢個妹張相俾曬我地咁多個人睇。

「呢個係我個妹，之前一直都聯絡唔到佢，搞到我鬼死咁擔心，好彩嘅係，琴日卒之俾我打通電話，先知原來佢困住喺CityU。」

果然係有其家姐必有其細妹，個家姐靚女不在話下，連個妹都好正。

張相影住佢個妹著住sport bra同瑜伽褲，身材望落細細粒，但對波好大，正宗「廟細燈籠大」，而且屎忽夠挺，膚色又健康，稱得上係運動型靚女。

Sandy淚眼汪汪，帶住哭腔，真誠咁請求嗰四個宅男：「我成世人得呢個妹，平時我好錫佢，真係唔想睇到佢有事，求你地睇在同學一場，求下你地幫幫手，唔該呀...」



嗰四個宅男無出聲，感覺好似俾對方呢番說話所動容，就連啱先聲大大嘅背囊友，都流露出幾分憐愛。

為左自己個妹，願意用身體作交換，或者Sandy份人係有啲心計，但算係愛惜家人。

然後Sandy又行埋嚟，捉住我隻手哀求：「呢個先生，雖然我地第一次見面，但可以嘅話，我想求你幫幫手，多一個人多一份力，求求你！」

認真講句，我其實都真係幾想幫佢，一嚟假如幫佢救返個妹，都叫做左件好事，值得開心。

二嚟做完好事，後續仲可以同Sandy上床，呢個更加值得開心，玩下手話唔定仲有機會上埋佢個妹添。

只不過，個問題就在於，目前我連自己都未顧得掂，又邊有本事去救人，仲要係去城大，嗰邊家下咩環境我地幾乎一無所知。

唔通真係要我拎住菜刀，喺現時佈滿喪屍嘅香港，去一個從來未去過嘅地方，救一個素未謀面嘅人？

我乾咳一聲，拒絕Sandy：「Sorry，我應該幫你唔到，家下全個香港咁多喪屍、咁危險，我同Isabel接下嚟，應該會去維園嘅救護站尋求援助。」



講完之後，Isabel一句就「得」埋嚟：「去維園呢個諗法唔錯，但點樣去？」

……

我靜左兩秒，答唔到。