性交轉運打喪屍: （46）

我地跑下跑下，不知不覺跑到嚟黃埔。

經過一間黑色招牌嘅舖頭，Isabel無端端行入去。

「喂，你去邊呀？」我問。

「入去搵嘢食囉。」

「呢度有嘢食咩？」



「咁大隻字Bakery你都睇唔到？定係你英文廢睇唔明？」

俾對方咁樣串嘴，我卻駁唔到，事實係自己英文差，唔識呢個字。

我行前多少少，留意到舖頭外面嘅櫥窗，擺放住麵包，先知呢間原來係間西餅鋪。

我跟住佢行入去，兜左圈，行左個round都唔見有人影，亦無喪屍，環境尚算安全。

間鋪頭都唔細，裝修都幾靚，感覺似係啲高級餅店。



周圍擺放住各式各樣嘅麵包同蛋糕，而大部分都有獨立包裝。

照計呢度啲麵包唔係擺左好耐，應該未夠一個禮拜，加上有獨立包裝，我諗都安全衛生，可以食用。

成朝無嘢落肚，個肚餓到咕咕聲，我擸幾個麵包，正準備要拆開包裝紙。

同一時候，屋內無端端傳來一把女人聲。

呢把聲並唔屬於Isabel，而係一把陌生嘅女人聲。



「你地快放手！唔好掂我！」

我同Isabel你眼望我眼，揸緊各自手上嘅菜刀，小心翼翼咁順住把聲，行去收銀櫃檯後面嘅烘焙室。

「密碼係幾多呀？快啲講啦！」隨即又有一把男人聲傳出。

「呢個世界無免費嘅午餐！我已經講過，你地四個邊個救到我個妹，我就同邊個上床！係男人嘅，就堂堂正正咁得到我！」個女人又開聲。

我同Isabel慢慢行過去，輕輕推開烘焙室道門。

隨即所見到嘅畫面係，有一個女人被四個男人，㩒住左喺張長方形嘅長鐵檯度。

女嘅樣貌標誌，鵝蛋臉、桃花眼、個鼻又高又直，勁似啲韓國靚女idol。

相反，四個男人打扮得好「宅男」，全部都戴住眼鏡，頭髮油笠笠，統一著住格仔衫加短褲。



個靚女衣衫不整，雙手分別俾兩個男人捉住，其餘兩個男人，一個就雙手㩒住女方對腳，另外一個就…咦…佢就喺度做緊咩？

我再望多兩秒，心諗自己係咪眼花睇錯？

條女下陰嗰舊係咪…貞…貞操帶？上面仲有密碼鎖？

另外一個男人就係喺度解緊貞操帶上面個密碼鎖…

「喂！你地喺度做咩呀？」Isabel大聲質問四個男人。

個四個男人無出聲，不約而同咁用猥瑣嘅眼神，𥄫住Isabel對腳。

至於嗰位被㩒住喺長檯上嘅女人，趁佢地幾個分心，不停用力fing手踢腳，最後成功掙脫出嚟。



「呢四條友想強姦我！」條女隨即匿去Isabel隔籬。

「What？呢四條變態佬想強姦你？」

「再…再嘈…信唔信我地姦埋你！」著住紅色格仔衫，孭住背囊嘅男人恐嚇Isabel。

Isabel則揮動手上嘅菜刀，大返對面轉頭：「你地試下埋嚟啊，就睇下我劈唔劈瓜你地！」

「……」

俾Isabel就咁兇一兇，嗰四條友居然真係淆左下。

「Er...其實呢...件事唔係咁架，其實我地幾個識得架，頭先只係玩下咋。」著住綠色格仔衫，頭上戴住黑色漁夫帽嘅男仔解釋。

「你地識得嘅？」Isabel問個靚女。



個靚女點點頭：「係，我地係大學同學嚟。」

「係呀，佢叫Sandy，我地真係同學，全部嗌得出佢個名架！」戴帽男話。

原來個靚女叫Sandy。

「但頭先你地唔似玩，似真係強姦喎。」Isabel繼續質疑。

「係又點！鬼叫佢唔俾我地屌呀！反正都世界末日啦，大家都生存唔得幾耐，臨死前執返劑有咩問題？」條背囊友都幾理直氣壯。

除左呢兩條友，另外兩個都唔出聲，淨係眼甘甘望住Isabel對腳。佢地一個好肥，一個好瘦，以下簡稱為肥仔同瘦仔。

Isabel想幫Sandy護航，點知Sandy搶出嚟答:「無問題呀！我完全唔介意同你地是但一個上床，包括呢個先生，只要你地邊個救到我個妹，咁我就將貞操帶嘅密碼講出嚟，到時你地想搞就點搞。」



Sandy口中嗰位先生，就係指我。