性交轉運打喪屍: （40）

嚟到日本城門口，門前有攤血跡，店裡面著左燈，兼且一片凌亂。

就咁驟眼睇，唔覺入面有喪屍。

為左確認清楚，我地小心翼翼咁行入去。

有唔少貨架都冧左落嚟，一啲貨物例如衫架、鞋櫃、煎pan等家居用品，散落滿地。

間鋪唔算太大，我地好快咁行左一次，都唔見有喪屍，淨係喺收銀嘅邊，有個無左手腳同頭嘅屍體。



安全起見，我地入埋倉庫同員工嘅休息室，一樣都係唔見有喪屍。

咁就證明左呢間日本城係安全嘅，可以喺度暫避一晚。

今晚終於有地方落腳，我心裡為此感慶幸同時鬆一口氣

「呢度無喪屍，應該幾安全，咁你快啲搬走收銀處條屍出門口，同埋閂返實度門。」Isabel吩咐我。

我就問佢：「咁你呢？」



「我咪負責抹地下，收拾下啲地方囉。」對方回答。

條友咁有潔癖，即管就俾佢清理地方，而我就獨自抬條屍出去，跟手閂實玻璃門，再揾啲嘢頂住度門。

由於驚街外嘅喪屍，會俾鋪入面嘅燈光吸引，所以一不做二不休，我揾嘢遮實在門口，等出面完全密不透光。

至於Isabel抹嘢果然有一手。

佢搬開啲雜物，帶曬手套，攞埋地拖，用樽裝水溝漂白水，將地下拖到一乾二淨。



不論血跡定污跡，總之乜跡都無曬。

我將啲貨架抬返起，再將啲貨物擺返上去，喺店內中央騰出一片空曠嘅地方。

Isabel仲揾啲乾淨嘅毛巾，鋪埋喺地下，認真講究。

「你可唔可以將個貨架搬過去，遮住個角落頭，我想用啲水沖下個身。」Isabel同我講。

「又沖？頭先你咪沖左囉。」

「頭先淨係抹左手同臉，仲有對腳、背脊同埋個身都未抹。」

「頂！你真係好鬼麻煩！」我按佢指示，搬個貨架埋角。

「你都快啲攞樽水抹下身，費事冤崩爛臭。」佢遞左一支水俾我，然後拎埋啲衫褲，拖左成pack水去個角落頭。



我真係服得佢好緊要，呢個時勢仲鬼咁姿整。

相反我就真係無佢咁講究。我打開樽水，飲剩四分一，跟住揾條毛巾，將剩低嗰啲水倒落去，就咁求其全身抹過一次就算。

大約過左半粒鐘，Isabel終於沖完涼，換埋衫出嚟。

原本佢身嘅灰色小背心換成短袖白襯衫，至於下身嘅黑色熱褲，就變成灰色OL工裝窄身短裙。

我第一眼見到嘅時候，有種眼前一亮嗰感覺，心諗邊度走左個中環性感OL出嚟。

佢嗰條裙真係勁短勁窄身，短到嘅程度係稍微抬少少腳，就會睇到入面條底褲。

而嗰一對42吋潔白無瑕嘅長腿幾乎表露無疑，睇到我流曬口水。



假如佢有得著埋尖頭高踭鞋，咁就真係perfect，不過依家著人字拖都唔差。

除此之外，佢上身嗰件襯衫又薄又透，差唔多睇到曬佢入面嗰個粉紅色bra。

不過佢對波似乎唔算好大，目測應該得B左右。