性交轉運打喪屍: （31）

我地轉過彎，過埋對面馬路，幾經波折，終於嚟到七仔。

同其他鋪頭一樣，七仔都係一片混亂，自動門都壞左，要手動拉開。

我快速掃視四周，唔見喪屍嘅身影，而貨物架上嘅貨物就散落滿地。

我地即刻揸緊時間，將啲水同乾糧塞入各自嘅背囊。

「Raauugh……」



鋪頭唔見有喪屍，無端白事唔知喺邊度，傳來微弱嘅喪屍叫。

我地都唔理咁多，加快速度，塞滿背囊就馬上離開。

雙腳剛踏出門口，於三十米不遠處，迎面就出現四隻面色蒼白、全身染血嘅喪屍。

我地兩個手頭上已經無武器，根本無可能對付到四隻喪屍。

望住佢地越行越近，腦海只有一個對策，就係三十六計走為上計。



目前最好辦法應該就係匿返入去七仔。

殊不知我一轉身，就見七仔道門閂埋左。

頂！娟姐早我一步匿入去，仲衰到揾嘢頂住門口，唔俾我入去。

「喂！開門呀！」我大力拍門，叫娟姐開門。

「一個人死好過兩個人死，『禾』唔可以開門俾你，對唔住！」娟姐繼續揾嘢塞住道門。



人性果然係自私，話曬大家一齊生活過又扑過嘢，結果大難臨頭，始終都係各自飛。

四隻喪屍並排而行，再行前多幾步，就到我面前。

「呼—！呼—！」

呢個時候，突然又刮起超級大風。

狂風維持左三秒，隨之一個大型廣告牌從天而降。

「砰！！！」

一聲巨響，塊廣告牌打橫跌落嚟砸中四個喪屍。

四隻喪屍都訓左喺度，爆曬血漿。



我呆左一呆，都未反應過嚟，身後又傳來娟姐嘅尖叫聲。

擰轉面睇見，喺七仔裡面嘅休息室，突然衝出嚟三隻喪屍。

「啊！！！不要啊！！！啊！！！」

娟姐無法抵抗，俾佢地三個捉住嚟咬。

道門塞住開唔到，我就算想幫都幫唔到。

場面實在太血腥殘酷，我不忍再看，選擇轉身離開。

我原路跑返屋企，沿路無遇到喪屍，大概用左三分鐘，就返到樓下。



只不過，偏偏喺樓下門口附近，圍住左一大班喪屍，我根本無法接近。

與此同時，天空落起滂沱大雨。

我一個人冒住超大雨，跑左好幾條街，嚟到海悅廣場避雨。

呢個係呢個區嘅一個屋邨商場，以前放學得閒我都會嚟逛下。

「喂！Unlucky！」

當我想推開門入內時，背後聽到一把熟悉嘅聲音。

呢把聲嚟自我個住半山壹號嘅中學同學，Jason。

佢身邊仲帶住佢個女朋友Isabel。