美好世界的沉思者/ADVANCING (重製): 0.6 寶貴的友誼

「搞錯呀!遲到!」

「唔好意思唔好意思。」我急步行過去係角落頭嘅一張長枱，上面有個燒烤爐，同幾碟肉，好明顯係食緊燒肉。

「腎仔！唔係講句唔好意思就冇事架！起碼請我地食野啦！」呢位係傑仔，係我嘅其中一個朋友。

「喂！呢餐本身就係佢請我地架啦！一陣食完，再請我地食甜品，咁就差唔多喇，係咪呀威威？」呢位係智偉，係我另一位朋友。

「其實食完燒肉都未必仲有位食更多野啦係咪？」呢位係威威，係我嘅朋友。





「得喇冇嘈喇，食野先啦，我成日冇食過野呀！」呢位係阿霆，係我嘅靚仔朋友 。

「好！好！我請你地食嘅呢間，我都仲未食過。網上啲人話好好食，真係要試下先得！」

—————————————————

智偉:「嘩～真係好正，好飽。」

傑仔:「我仲有位喎!」





智偉:「你有位就自己食啦!我地四個都飽都變肥仔呀。」

傑仔:「講笑啫，雖然話唔使錢啫，但都唔會要我個好朋友攞晒成副身家出嚟嘅，係咪？」

佢講住成個人挨埋過嚟。

我:「冇挨過嚟啦。」

阿霆:「大家都完啦嘛？完就走喇喎。」





 威威:「走囉，都夜喇。」

我:「等等先。」

阿霆:「做咩呀?」

我:「嗱。」我隨即係我個袋度攞咗四個盒出嚟放係枱面。而每個盒上面都各自有佢地四個人嘅名。

傑仔:「咩嚟架？」

威威:「錶？！你送俾我地架？唔會要我地賣身呀～」

智偉:「仲要唔係普通錶，呢個牌子嘅錶好貴架。」

阿霆:「做咩送啲咁貴重嘅野呀？坐監呀？」





智偉:「唔好成日懶好笑啦。」
「你又唔係唔返嚟，去讀個書啫，幾年後咪會見返囉。」

我:「少少心意嚟啫，收咗佢啦。」
「雖然我係會返嚟，但都唔可以成日見啦，咪當係...離別嘅小小禮物囉。」
「同埋...放心啦，我地好返會再見架，我放假會返嚟架嘛。」

威威:「咁多謝晒喇。」

阿霆:「記住我地咪得囉！」

傑仔:「就算幾忙都好，都唔可以唔理我地，都要5個人一齊facetime。」

智偉:「努力啲讀書呀！成為我地 5 個人入面嘅驕傲！得你一個浸鹹水咋呢到 !」





我:「浸鹹水好老套...嘻嘻...」

智偉:「冇笑啦！走喇！記得買單呀！」

我:「嗯，知道。」

多謝你地，我永遠嘅好朋友好兄弟。