美好世界的沉思者/ADVANCING (重製): VI. 怠惰之罪

究竟！究竟係邊個阻住我？！

「腎仔！你去邊呀？」擰轉個頭發現個原來係威威。

「下？我...我...」

「你成日都發晒吽哣嘅，咩事呀？」

「下？冇呀...」





「食啲野先啦，唔見你有食過野，嚟啦！」

「…多謝，不過唔洗喇，我好急呀！」

我頭也不回咁走出班房。

—————————————————

一出到走廊我即刻跑過去女廁嘅方向，希望可以趕得切。





終於俾我從遠處見到阿雯嘅背影，我即刻跑過去。

「阿雯！」

「嗯？」佢應聲就擰轉頭望過嚟，但見到係我就即刻擰返轉頭，面上更染上失落之色。

「我知你而家未必想見我...但係我有野一定要同你講...」
「對唔住，我知我做得好錯，原諒我...」
「我唔可以冇咗你，你知架...冇咗你...我真係一無所有，你知架...冇咗你，每日都好似終身監禁，與世隔絕...」
「我都好後悔，我都冇估到你會就咁走咗去...」




「原諒我吖...雯...」

「你知唔知...情侶之間最緊要嘅係咩？」

「……哈......」

「係...信任...」
「…對唔住...」

「…如果仲未太遲嘅話，我地就唔可以返去以前咩？」
「如果我地大家都咁痛苦，點解唔可以揀條容易啲嘅路行...」

「……」

「對唔住...」我一步一步行去佢嘅身邊...經過佢嘅身邊...




「最少...希望你可以收咗佢...至少...係我面前...你收咗佢...」

我小心翼翼拎住佢嘅手，呀...幾耐冇掂過呢隻手呢？既熟悉，又陌生嘅觸感，非常溫暖。
輕輕咁，將個袋嘅掛繩勾係佢嘅手指上，頭也不回地遠遠離去。

你想點處置都好...

冇見咁耐，你氣色好咗，人靚咗...

—————————————————

好大風，好涼爽，好舒服。

此刻嘅我，感受住風，好似個傻仔咁，呆站於此。





風啊停止吧，唔好帶走我嘅愛情。
時間啊停止吧，唔好愛走我嘅人。

可惜現實唔會如你所願，除非個世界你你創造，歸你所管。

藍藍嘅天空真係好靚，萬里無雲，我究竟有幾耐冇望過天空，欣賞咁美嘅景色呢？

同我嘅心情唱反調，天氣好到令人作嘔。

或者，呢個結果我應該早就估到，只係因為我懷抱太多嘅希望，換嚟更多嘅失望，更多嘅絕望。

而家佢真真正正要離開我，咁我真係一無所有。

睇嚟真係傷佢傷得好嚴重，信任？哈！係...或者信任真係咁重要，或者比起兩人相愛更重要，或者我真係傷得佢好重...





或者要佢原諒真係好困難，或者死亡會更容易...

比起得到佢嘅原諒，死亡會來得更易...

有時都會想掉落去，呢條路嘅終點，絕望嘅終點，失望嘅終點，呢段關係嘅終點...

最後嘅希望，可以無悔咁閉起雙眼......